Sputnik, i njohur për narrativën e tij pro Kremlinit, ka propaganduar për Prishtinën dhe marrëdhëniet e saj me Këshillin e Evropës.
Çfarë shkruan Sputnik:
“Shtyrja e mundshme e vendimit për anëtarësimin e Kosovës në Këshillin e Evropës është më shumë se një lajm i mirë për Serbinë dhe shpresojmë që kështu të mbetet. Me sa duket, pas bisedimeve mes presidentit tonë dhe atij francez, disa gjëra kanë ndryshuar dhe ka presion mbi Prishtinën në lidhje me Asociacionin e Komunave Serbe, e cila është në ballë të agjendës”, thotë Biljana Pantić-Pilja, kryetare e delegacionit serb në Këshillin e Evropës.
Analiza:
Dihet se Sputnik shpesh përdor tituj sensacionalistë për të tërhequr vëmendjen e publikut. Shtyrja e vendimit për anëtarësimin e Kosovës në Këshillin e Evropës nuk nënkupton automatikisht përjashtimin apo refuzimin e Kosovës, por vetëm se vendimi nuk është marrë në atë moment. Deklaratat që i atribuohen kryetares së delegacionit serb në Këshillin e Evropës, Biljana Pantiq-Pilja, duhen marrë me rezervë për shkak të njëanshmërisë së tyre të mundshme. Pikëpamjet e shprehura në tekst pasqyrojnë një politikë ruse që synon të diskreditojë Kosovën dhe të promovojë interesat serbe.
Ky nuk është më shumë se një lajm i mirë për Serbinë, por një manipulim i fakteve për t’i shërbyer qëllimeve politike. Në vend që të kontribuojë në informacion objektiv, Sputnik propagandon që të nxis tensione dhe mosbesim midis akterëve të ndryshëm në skenën ndërkombëtare./G.Venhari-The Geopost/
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
Faqja “Stazama Kosmeta” dezinformon duke e devijuar deklaratën e ministrit Sveçla 
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe” 
Dezinformatë në TikTok: Video i manipuluar nga viti 2022 u përdor për pretendimin se “ushtarët izraelitë po vijnë në Kosovë”