Portali Politika vazhdon të përhap dezinformata kundër autoriteteve në Kosovë, shembulli i fundit i të cilave është artikulli me titull “Lufta e kontrolluar kundër Serbisë në veri të Kosovës”. Teksti i nënshkruar nga Dejan Spaloviq përmban pretendime të rreme për ta paraqitur kryeministrin e Kosovës si kërcënim për stabilitetin në rajon, duke injoruar kërcënimet reale të sigurisë që vijnë nga Serbia.
Çfarë thotë Politika:
“Çezmat financiare të Bashkimit Evropian për Kosovën janë gjithnjë e më të pasigurta, Amerika po ia kthen shpinën Albin Kurtit dhe shpesh përflitet se ky shtet më i fuqishëm i NATO-s po mendon të tërhiqet nga rajoni. Me tregues shumë të dobët ekonomikë dhe faktin se Vetëvendosje nuk fitoi vota të mjaftueshme në zgjedhjet e shkurtit për të qenë në gjendje të menaxhojë në mënyrë të pavarur institucionet e Kosovës janë ende si arsye artificiale. duke provokuar incidente të armatosura në veri të krahinës, të cilat mund të përshkallëzohen në një luftë në veri të Kosovës, për të cilën ata do të fajësojnë Serbinë”, tha Spaloviq në një shkrim të botuar nga Politika.
https://www.politika.rs/sr/clanak/670182/
Analiza:
Një nga dezinformatat kryesore në këtë artikull është pretendimi se Albin Kurti “provokon artificialisht incidente të armatosura në veri të Kosovës” për të fajësuar Serbinë. Ky lloj dezinformimi qarkullon vazhdimisht në mediat serbe, pa asnjë provë, duke anashkaluar faktin se janë strukturat ilegale të sigurisë dhe formacionet paramilitare të Serbisë ato që janë përgjegjëse për destabilizimin e rajonit.
https://www.slobodnaevropa.org/a/kosovo-vojska-sad/
Autori i tekstit dezinformon edhe për tërheqjen e KFOR-it nga Kosova. Megjithatë, në fillim të muajit mars, Departamenti Amerikan i Mbrojtjes njoftoi se nuk ka pasur ndonjë ndryshim në pozicionin e forcave amerikane në Kosovë.
Artikulli gjithashtu dezinformon se shërbimet perëndimore të inteligjencës qëndrojnë pas planifikimit të pretenduar të një konflikti në veri të Kosovës, megjithëse deklaratat zyrtare nga Uashingtoni dhe Brukseli hedhin poshtë çdo sugjerim për nxitje të konfliktit./G.Venhari/
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”