Malagurski shpërndan dezinformata se Danimarka ka tërhequr njohjen e Kosovës

Propagandisti serb, Boris Malagurski, publikoi në rrjetin social X një grafikë të falsifikuar të televizionit CNN, ku në mënyrë të rreme pretendonte se Danimarka kishte tërhequr njohjen e Kosovës dhe i kishte kërkuar falje Serbisë.

Çfarë publikoi Malagurski:

“Danimarka tërheq njohjen e Kosovës, i kërkon falje Serbisë”, duke përdorur dizajnin dhe logon e CNN Politics.

“Kryeministrja e Danimarkës, Mette Frederiksen, sot njoftoi se Mbretëria e Danimarkës tërheq njohjen e saj të Kosovës si shtet i pavarur dhe konfirmon sovranitetin dhe integritetin territorial të Serbisë. Danimarka ishte ndër vendet e para që njohën deklaratën e pavarësisë së Kosovës nga Serbia më 17 shkurt 2008, por udhëheqja e saj tani thotë se kjo ishte një gabim”.

Analizë:

Në një periudhë të shkurtër kohore, kjo postim kishte mbi 180,000 shikime dhe u shpërnda masivisht si një supozim që mbështetja ndërkombëtare për Kosovën po dobësohet.

Megjithatë, një lajm i tillë nuk është publikuar kurrë në CNN, as nuk ekziston ndonjë vendim zyrtar i qeverisë daneze për të tërhequr njohjen e Kosovës. Përkundrazi, Danimarka e ka njohur Kosovën në vitin 2008 dhe kjo njohje kurrë nuk është vënë në diskutim.

https://mfa-ks.net/lista-e-njohjeve/

Në faqen zyrtare të CNN-it, ashtu si në arkivin e lajmeve të tyre politike, nuk ekziston asnjë tekst që të konfirmojë pretendimet e Malagurskit.

Kosova dhe Danimarka gjatë viteve kanë thelluar bashkëpunimin përmes shumë marrëveshjeve, dhe në vitin 2022 u nënshkrua Marrëveshja për përdorimin e kapaciteteve të burgjeve (Prison Cooperation Agreement)

https://www.euronews.com/my-europe/2024/09/26/danish-justice-minister-visits-kosovo-prison-se

/The Geopost/