Lavrov dezinformon: Uashingtoni po i urdhëron shtetet të bashkëpunojnë me të, kundër çdo konkurrenti

Kreu i diplomacisë ruse, Sergei Lavrov, ka dezinformuar se SHBA-ja po përpiqet të ruajë hegjemoninë globale, e cila nuk është asgjë më shumë se, siç tha ai, një “lojë me shumën zero.” Ai dezinformoi duke pretenduar se “Uashingtoni po urdhëron shumë vende të bashkëpunojnë me SHBA-në kundër çdo konkurrenti.”

Çfarë tha Lavrov:

“Uashingtoni po urdhëron shumë vende të bashkëpunojnë me SHBA-në kundër çdo konkurrenti. Ajo po përpiqet të ruajë hegjemoninë globale dhe kjo nuk është gjë tjetër veçse një lojë me shumën zero”, nënvizoi kreu i diplomacisë ruse.

Analiza:

Shtetet e Bashkuara dhe vendet perëndimore nuk kanë “urdhëruar” asnjë vend të bashkëpunojë kundër asnjë konkurrenti. Portali pro-rus Webtribune shpërndan çdo ditë dezinformata ruse në Telegram, siç është deklarata e Lavrov kësaj radhe.

Lavrov përhap dezinformata dhe “falsifikon” fakte rreth politikës perëndimore për të fituar mbështetje për interesat ruse. Deklaratat e tij janë pjesë e propagandës ruse që synon të dobësojë reputacionin ndërkombëtar të Perëndimit dhe të justifikojë veprimet agresive të Rusisë në nivel ndërkombëtar.

Gjithashtu, Rusia përpiqet të mbulojë veprimet e saj agresive, duke përfshirë aneksimin e Krimesë dhe mbështetjen për separatistët në Ukrainë, ndërsa Lavrov dhe propaganda ruse kërkojnë të devijojnë vëmendjen ndaj abuzimeve të supozuara nga Perëndimi.

Argumentet e paraqitura nga Lavrov në deklaratën e tij janë të largëta sepse mbështeten në manipulime dhe dezinformata./G.Venhari-The Geopost/