Dodik pretendon se nuk ka kampe ruse në RS – Ambasada amerikane shpreh brengën për destabilitet

Presidenti i Republikës Srpska (RS), Milorad Dodik ka dezinformuar duke pretenduar rrejshëm se nuk ka kampe stërvitore ruse në RS.

Dodik tha:

“Unë e mohoj që ka kampe. Nuk ka qenë asnjëherë aktiviteti ynë. Gjithçka që na thanë deri tani ishte gënjeshtër. Rusia qëndron vetëm pas Marrëveshjes së Dejtonit. Ne e kuptuam shumë mirë se çfarë do të thotë të qëndrosh pas Marrëveshjes së Paqes të Dejtonit. Qëndrimi i Rusisë është se qëndron pas integritetit territorial të Bosnjë-Hercegovinës”.

https://novimagazin.rs/svet/region/336872-dodik-laz-je-da-u-rs-ima-ruskih-kampova-za-obuku-moldavaca-za-izazivanje-nereda?

Analiza:

Raportet për aktivitete të mundshme ruse në RS vijnë jo vetëm nga burime moldave, por edhe nga shërbimet e huaja të inteligjencës.

https://www.slobodnaevropa.org/a/32696847.html?

Sipas raportit të policisë moldave, trajnimi u krye nga instruktorë të huaj të lidhur me grupe paraushtarake si “Wagner” dhe “Ferma”, ndërsa në të njëjtën kohë disa pjesëmarrës u përzgjodhën për “stërvitje më të avancuar” në kampet guerile, mbajtur në Bosnje dhe Hercegovinë, si dhe në Serbi.

https://www.cei.int/ansa/152684?

Gjithashtu, ambasada amerikane në Bosnje dhe Hercegovinë shprehu shqetësimin për këtë informacion, duke theksuar se kampe të tilla mund të përbëjnë një kërcënim serioz për stabilitetin e Ballkanit.

https://www.slobodnaevropa.org/a/moldavija-rusija-kampovi-bih-neredi-obuka/33170656.html?

Incidentet e sabotimit rus dhe ndërhyrjet në zgjedhje kanë qenë në rritje që nga fillimi i pushtimit të Ukrainës nga Moska, me raporte të reja që dalin vazhdimisht.

Autoritetet moldave akuzuan kohët e fundit Rusinë se po përpiqet të ndërhyjë në zgjedhjet e ardhshme presidenciale dhe në referendumin e anëtarësimit në BE, duke planifikuar t’i dërgojë votuesit me autobus në ambasadën moldave në Moskë për të ndikuar në rezultatet, me qëllim të manipulimit të rezultatit të zgjedhjeve.

https://www.rferl.org/a/bosnia-arrest-russian-national-training-camps-moldovans-unrests-sandu-election/33207761.html?

Ky nuk është raporti i parë që sugjeron se grupet paraushtarake të financuara nga Rusia janë trajnuar në Republika Srpska. Vitin e kaluar, ministri boshnjak i Mbrojtjes, Zukan Helez tha se kampe paraushtarake të mbështetura nga Rusia ishin zbuluar në vend.

https://www.slobodnaevropa.org/a/tuzilastvo-bih-rs-vojni-kampovi/32698131.html?/G.Venhari/