Dezinformon Lista Serbe: Një deputete serbe shtatzënë u sulmua në Kuvend

Partia kryesore e serbëve në Kosovë Lista Serbe ka dezinformuar se në Kuvendin e Kosovës gjoja janë sulmuar deputetët e partisë së tyre, përfshirë edhe një deputete shtatzënë kur ata shkuan për të marrë pjesë në seancën që do t’iu siguronte atyre pagën dhe vazhdimin e mandatit.

Çka deklaroi Lista Serbe?

“Dënojmë ashpër sulmin e sotëm të paprovokuar ndaj deputetëve të Listës Serbe në Kuvendin e Prishtinës nga ana e deputetëve të Kurtit dhe kryetarit të Kuvendit Glauk Konjufca, të cilët shpërdoruan pozitën dhe i penguan të zgjedhurit e popullit serb të jenë të pranishëm në seancën e Kuvendit. Theksojmë se gjatë sulmit ndaj deputetëve të Listës Serbe, në mesin e tyre ishte edhe deputetja Olivera Zdravkoviq, e cila është shtatzënë”.

https://www.b92.net/info/kosovo/83349/srpska-lista-napad-na-nase-poslanike-u-skupstini-najbolji-primer-polozaja-srba-na-kim/vest?

Analiza:

Në Kuvendin e Kosovës më 5 dhjetor deputetët e partisë në pushtet të Lëvizjes Vetëvendosje kanë penguar në fillim hyrjen e deputetëve të Listës Serbe të cilët shkuan në seancë pas gjashtë muajve mungesë për të mos e humbur mandatin e tyre. Por asnjë sulm fizik apo përleshje verbale nuk ka ndodhur nga ana e deputetëve të pushtetit, e aq më tepër ndaj deputetes Zdravkoviq për të cilën partia tha se u sulmua edhe pse është shtatzënë. Deputetët e Vetëvendosjes kundërshtuan këtë strategji të deputetëve serbë që e bëjnë nga viti 2022. Ata shkojnë çdo gjashtë muaj për të siguruar mandatet dhe për të marrë pagat e tyre.

https://www.evropaelire.org/a/lista-serbe-kuvendi-i-kosoves-nenshkrim-mandate-/33228114.html

Në fund deputetët e Listës Serbe janë nënshkruar dhe kanë dalë nga seanca duke siguruar kështu vazhdimin e mandatit./G.Venhari/