Boshkoviq: Mali i Zi një element pazaresh në Ballkan

Mali i Zi u zgjodh si element për pazare në Ballkan, tha deputeti i DPS-së Predrag Boshkoviq në emisionin “Pressing”, duke shtuar se shpreson që vendi të mos jetë një qengj kurban në atë rrugë.

Qeveria në Mal të Zi po përpiqet të prezantojë zyrtarisht një gjendje të jashtëzakonshme që do t’u mundësonte atyre zbatimin e të gjitha planeve të tyre.

“Ne kemi ardhur në situatën që, përveç institucionit të presidentit, nuk ka asnjë tjetër që funksionon në kapacitet të plotë dhe për këtë arsye ata duan ta mohojnë plotësisht atë, në mënyrë që ta bëjnë Malin e zi një shtet të paaftë që ka nevojë për një protektorat nga Serbia”, tha Boshkoviq.

Ai përsërit se opozita nuk do të qëndrojë duarkryq ndërkohë që “axhenda po zbatohet jashtë ligjit.”

“Mali i Zi ka kapacitet të mbrohet kundër qëllimeve të tilla. Këto dy tubime kanë treguar se qytetarët nuk do ta shikojnë me qetësi futjen e gjendjes së jashtëzakonshme, mosnjohjen e institucionit të presidentit, funksionimin e qeverisë që është rrëzuar. Ne i kemi bërë të qarta kërkesat tona dhe nuk do të heqim dorë prej tyre”, tha Boshkoviq.

Raporti i BIRN tregoi, thotë ai, se sa e fortë është lidhja e krimit të organizuar – lloji i krijuar në Mal të Zi dhe i mbështetur nga strukturat e sigurisë jashtë Malit të Zi.

“Koha do të tregojë nëse BIRN është keqpërdorur, apo nëse janë pjesëmarrës aktivë në një sipërmarrje të tillë kriminale kundër Malit të Zi. Ata që e kanë shkruar raportin janë anëtarë të klaneve më kriminale në territorin e ish-Jugosllavisë”, thotë Boshkoviq.

Ai tregon se në shënjestër janë qytetarët e lirë që merren me të drejtat e njeriut.

“Ata janë në shënjestër sepse ngrenë zërin kundër nacionalizmit dhe populizmit. Ata duan ta bëjnë Malin e Zi një shtet të dytë serb që përfundimisht do të bashkohej me Serbinë. Ata duan të krijojnë një shtet teokratik të udhëhequr nga Kisha e Serbisë”, vlerëson Boshkoviq, duke shtuar se qytetarët që ishin në listë e ngritën zërin kundër gjithë kësaj./Pobjeda/