Presidenti ukrainas Volodymyr Zelenskyy tha të mërkurën se forcat ruse sulmuan vendin e tij me më shumë se 70 raketa dhe se objektivat përfshinin infrastrukturën energjetike të Ukrainës.
“Sot, Putin zgjodhi qëllimisht Krishtlindjet për një sulm. Çfarë mund të jetë më çnjerëzore?” tha Zelenskyy.
Ushtria e Ukrainës tha se rrëzoi 59 nga raketat, si dhe 54 nga 106 dronët që Rusia përdori në sulmet e saj. Dronët dhe raketat synonin objektet energjetike në rajonet Dnipropetrovsk, Ivano-Frankivsk, Kharkiv, Kiev, Poltava dhe Zaporizhzhia, thane autoritetet nga forcat ajrore të Ukrainës.
Ministria e Mbrojtjes e Rusisë tha në një deklaratë se goditi objektet kritike të infrastrukturës energjetike që mbështesin ushtrinë e Ukrainës.
Në Ukrainën verilindore, kryebashkiaku i Kharkiv, Igor Terekhov tha se qyteti u vu nën një “sulm masiv raketor” dhe më vonë u godit me një dron rus.
Oleh Syniehubov, guvernatori rajonal, tha se sulmet dëmtuan infrastrukturën civile dhe plagosën të paktën gjashtë persona.
Kompania më e madhe private energjetike e Ukrainës, DTEK, tha se raketat ruse shkaktuan “dëme serioze” dhe ndërprerje të detyruara të energjisë në Dnipropetrovsk, Odesa dhe Kiev.
“Në një sulm që synonte miliona ukrainas që thjesht donin të festonin ditën e shenjtë, Rusia shkaktoi dëme serioze në termocentralet e prodhimit DTEK”, tha kompania në një deklaratë.
Ministria ruse e Mbrojtjes tha se mbrojtja ajrore e saj shkatërroi 58 dronë ukrainas, një numër që është më i lartë se zakonisht në shkëmbimin e përditshëm të sulmeve me dronë midis dy palëve.
Ministria tha se 26 nga interceptimet u bënë mbi rajonin Belgorod dhe 23 mbi Voronezh, me drone të tjerë që u rrëzuan mbi Kursk, Bryansk, Tambov dhe Detin Azov.
Zyrtarët në Kursk thanë se bombardimet ukrainase në rajon vranë të paktën tre persona.
Guvernatori i Voronezhit Aleksandr Gusev tha në Telegram se sulmet e Ukrainës dëmtuan disa shtëpi dhe një linjë elektrike./VOA/
Disa informacione për këtë raport janë dhënë nga Agence France-Presse dhe Reuters./VOA/
Rusia dhe lufta hibride: Propaganda, dezinformimi dhe sulmet kibernetike 
Demokracia triumfoi në Hungari, Vuçiqi në frikë nga ndryshimet që po vijnë 
Portal Novosti shpërndan propagandë: Marrëveshja mediatike shpallet “pakt kundër serbëve” 
Zgjedhjet lokale në Serbi: Vuçiq i dobësuar, alternativa ende nuk ekziston 
Analizë: Beteja për Hormuzin dhe “Prosperity Guardian” 
Mediumi serb manipulon për ushtarët amerikanë të KFOR-it: Nga interesi për ortodoksinë në pranim të fesë