Të paktën pesë persona janë vrarë pasi një kullë televizive u sulmua në Kiev të Ukrainës.
Kulla gjendej pranë një memoriali kushtuar viktimave të Holokaustit, tha Qeveria ukrainase më 1 mars, teksa forcat ruse kanë bombarduar edhe sheshin kryesor në Harkiv dhe lokacione të tjera civile në këtë qytet lindor.
Ministria e Brendshme e Ukrainës postoi fotografi të tymit dhe zjarrit që dilte përreth kullës së sulmuar. Ndërkaq, Ministria e Jashtme e quajti “barbare” sulmin në Kiev.
Mediat lokale raportuar për disa shpërthime pranë kullës televizive që ka ndërprerë transmetimin e disa mediave për një kohë të shkurtër.
Presidenti ukrainas, Volodymyr Zelensky, tha në Twitter se pesë persona janë vrarë. Ai po ashtu shprehu zemërimin e tij se bombardimet ndodhën pranë memorialit kushtuar masakrës së kryer nga nazistët.
Po ashtu ai kishte thënë më herët gjatë ditës se bombardimet në Harkiv ishin krime lufte. Bombardimet e fundit vijnë në kohën kur një konvoj i trupave ruse, i gjatë më shumë se 65 kilometra, është nisur drejt Kievit./REL
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi