Një pjesë e mediave serbe, të njohura për lidhjet e tyre me regjimin e presidentit Aleksandar Vuçiq, kanë shpërndarë lajme të rreme që pretendojnë se presidenti amerikan Donald Trump dhe miliarderi Elon Musk po ndërhyjnë në zgjedhjet gjermane të shkurtit.
Sipas këtyre raportimeve, të republika.rs, Musk do të zhvillonte një intervistë me lideren e partisë ekstremiste Alternative für Deutschland (AfD), Alice Weidel, duke e portretizuar këtë si një përpjekje për të influencuar rezultatin e votimeve.
Në realitet, raportimet nuk kanë bazë dhe janë të njëanshme, duke i dhënë përmasa ndërhyrjes amerikane ku nuk ekziston.
Analistët e mediave dhe ekspertët për dezinformata theksojnë se shpërndarja e këtyre lajmeve synon të diskreditojë proceset demokratike në Evropë dhe të krijojë perceptimin e një ndikimi të huaj, duke shfrytëzuar lidhjet e Vuçiqit me mediat proqeveritare.
Kjo është një tjetër shembull i mënyrës se si regjimi i Vuçiqit përdor mediat e kontrolluara për të manipuluar opinionin publik dhe për të destabilizuar rajonin, duke shpërndarë informacione të rreme për zgjedhjet dhe proceset politike në vendet fqinje dhe partnerët ndërkombëtarë.
Në këtë rast, lajmet e shpërndara nuk kanë bazë faktike, por përdoren si mjet për të fuqizuar narrativën e një “kërcënimi të jashtëm” dhe për të justifikuar politikën e izolimit të Serbisë.
Shtohet presioni gjerman pas deklaratës skandaloze për Kosovën të ministres serbe 
Deputeti serb kërkon shkarkimin e Paunoviqit: Nëse kryeministri nuk ka forcë ta largojë, le të japë dorëheqje 
Ministrja serbe përballet me padi në Kosovë dhe kërkesë për shkarkim në Serbi 
Paunoviq vazhdon ofensivën me dezinformata, thotë se Kurti po “ndjek” serbët që nuk shesin pronat 
Mali i Zi heq regjimin pa viza për rusët 
Komisioni Evropian i shqetësuar për gjetjet e HRW mbi keqpërdorimin e mundshëm të spiunazhit në Serbi