Kancelari Olaf Scholz njofton se Gjermania do të pezullojë funksionalizimin e gazsjellësit “Nord Stream II”, për shkak të aktiviteteve të fundit të Rusisë në Ukrainën lindore.
Scholz është shprehur se për shkak të njohjes ruse të Donetskut dhe Luhanskut, vendimi për certifikimin e gazsjellësit do të mbetet në pritje.
“Si përgjigje ndaj aktiviteteve ruse në Ukrainë, qeveria federale po e ndalon projektin e gazsjellësit ‘Nord Stream II’. Ky vendim tingëllon teknik, por është një veprim i nevojshëm administrativ, në mënyrë që të mos ndodhë certifikimi i tubacionit. Pa këtë certifikim ‘Nord Stream II’ nuk mund të hyjë në funksion”, u tha Scholz gazetarëve në Berlin.
Gazsjellësi midis Rusisë dhe Gjermanisë përfundoi shtatorin e kaluar, por nuk është ende në funksion. “Nord Stream II” është projekt i përfunduar në partneritet mes kompanisë ruse Gazprom që ka në pronësi 51 për qind të aksioneve dhe disa kompanive gjermane, holandeze e franceze.
Që në fillim, projekti nuk ishte miratua nga aleatët perëndimorë, të cilët e panë atë si një projekt me të cilin Rusia kërkon të zgjerojë ndikimin e saj ekonomik dhe politik në Evropë.
Në muajt e fundit, pasi konflikti në Ukrainën lindore u përshkallëzua, shumë zyrtarë perëndimorë kanë theksuar se bllokada e “Nord Stream II” duhet të jetë pjesë e sanksioneve që Perëndimi mund të përdorë kundër Rusisë.
Megjithëse Qeveria e re gjermane ka qenë e kujdesshme për pezullimin e projektit, aktivitetet e fundit ruse dhe njohja e Donetskut dhe Luhanskut si territore të pavarura kanë detyruar Gjermaninë të përshpejtojë procesin e sanksioneve, i cili do të përfshijë këtë projekt të diskutueshëm.
The Geopost

Bosnja dhe Hercegovina i ndalon hyrjen Milan Radoiçiqit: Shpallet kërcënim për sigurinë kombëtare për shkak të sulmit terrorist në Banjskë
Gjykata në Beograd lëshon fletarrestim për Milan Radoiçiqin
Selimi: Ndikimi i mediave ruse në Ballkan, më i madh se kurrë
Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik
REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares
Avokati serb: Dosjet e BIA-s mund ta tronditin Serbinë, nga vrasja e Ivanoviqit te lidhjet e shërbimit me pushtetin