Boban Batriceviq deklaroi në Forumin 2000 se Kisha Ortodokse Serbe ka rol qendror në veprimet hibride të Rusisë dhe Serbisë në Mal të Zi, duke shërbyer si platformë për përhapjen e narrativave pansllave dhe anti-perëndimore. Ai theksoi se përmes Kishës dhe mbështetjes politike e mediatike nga Beogradi dhe Moska, po tentohet delegjitimimi i identitetit malazez dhe instalimi i ndikimit serb në institucionet shtetërore.
Gjatë konferencës ndërkombëtare Forum 2000 që po mbahet në Pragë, drejtori ekzekutiv i WestBalkanNet dhe anëtari i Koalicionit Ndërkombëtar për Rindërtim Demokratik (ICDR), Boban Batriceviq, mori pjesë në panelin me temë “Feja dhe kërcënimi rus, dje dhe sot”, organizuar në bashkëpunim me Bibliotekën e Václav Havel-it.
Në fjalimin e tij, Batriceviq theksoi rolin e Kishës Ortodokse Serbe (KOS) në veprimet hibride të Rusisë dhe Serbisë në Mal të Zi, duke e cilësuar këtë institucion fetar si mjetin kryesor të ndikimit kulturor dhe identitar serb në Malin e Zi.
“KOS është instrument qendror i projektit të ‘botës serbe’ në Mal të Zi, me funksion për të delegjitimuar historinë, kulturën dhe shtetësinë malazeze, duke shërbyer si platformë për normalizimin e narrativave pansllave dhe anti-perëndimore”, u shpreh ai.
Ai shtoi se pas dështimit të grushtit të shtetit në Mal të Zi në vitin 2016, Rusia ka kaluar në forma më të buta ndikimi përmes Kishës dhe partive politike pro-serbe. Sipas tij, zgjedhjet parlamentare të vitit 2020 u fituan nga partitë që kishin qenë të përfshira në përpjekjet për grusht shteti, ndërsa qeveria e re u formua në një manastir nën kontrollin e Kishës Ortodokse Serbe, gjë që ka një simbolikë të qartë politike.
Batriceviq theksoi se kombësia malazeze është një nga pengesat kryesore për projektin hegjemoni të “botës serbe”, së bashku me identitetin boshnjak në Bosnje dhe shqiptar në Kosovë. Ai paralajmëroi se ndikimi serbo-rus përmes KOS-it dhe rrjeteve të tjera hibride përbën kërcënim serioz për sigurinë e Ballkanit dhe Evropës./GazetaExpress/
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara