Zëdhënësja e Ministrisë së Jashtme, Maria Zakharova, e ftuar në Festivalin Botëror të Rinisë në Sochi ka propaganduar rreth raportit të Rusisë me SHBA-në dhe NATO-n.
Në deklaratën e saj të dhënë të mërkurën Zakharova ka thënë se çdo kërcënim ndaj sigurisë së Rusisë nga ana e tyre do të marrë një përgjigje.
Cfarë tha Zakharova?
“Rusia nuk ka plane për të sulmuar apo nisur një konflikt me SHBA-në apo NATO-n. Është NATO ajo që e ka shpallur vendin tonë ‘kërcënim direkt’ në dokumentet e saj doktrinore.
Anëtarët e NATO-s duhet të kuptojnë se çdo kërcënim ndaj sigurisë së Rusisë nga ana e tyre do të marrë një përgjigje.”
Analizë
Kjo pjesë e fjalimit të Zakharovas nuk përputhet aspak me veprat e shtetit rus kundrejt disa shteteve specifike.
Më datën 17.12.2023 CNN publikoi lajmin ku residenti rus Vladimir Putin ka paralajmëruar se do të ketë “probleme” me shtetin fqinj Finlandën pasi ajo u bashkua me Organizatën e Traktatit të Atlantikut të Veriut (NATO) në fillim të vitit 2023.
https://edition.cnn.com/2023/12/17/world/putin-warns-problems-finland-nato-intl/index.html
Po ashtu një lajm thuajse i ngjashëm u publikua në nëntor të vitit të kaluar ku një ndër aleatët kryesor të presidentit Vladimir Putin paralajmëroi se do ta trajtojnë Poloninë pikërisht si një armik historik.
Po ashtu vitin e kaluar të “kërcënuar” nga Rusia u ndjenë edhe disa shtete tjera ku shefi i Mbrojtjes së Belgjikës në njërën nga intervistat e tij ka theksuar shqetësimet për një kërcënim të mundshëm rus ndaj Moldavisë dhe shteteve baltike.
Sa i përket këtyre “kërcënimeve” nga shteti rus, NATO në fillim të këtij viti, në faqen e saj zyrtare tha se nuk kërkon konfrontim dhe nuk ka kërcënim për Rusinë.
https://www.nato.int/cps/en/natohq/115204.html
Aleanca do të vazhdojë t’u përgjigjet kërcënimeve dhe veprimeve ruse në mënyrë të bashkuar dhe të përgjegjshme. Ata theksuan se ata janë duke forcuar ndjeshëm parandalimin dhe mbrojtjen tonë, duke mbështetur partnerët tanë dhe duke rritur qëndrueshmërinë tonë. Kjo përfshin thirrjen e veprimeve të Rusisë dhe kundërshtimin e dezinformatave.
Pra, kjo deklaratë e Zakharovas mund të cilësohet si një propagandë kundër NATO-s duke u bazuar në faktin se Rusia gjatë gjithë këtyre muajve vazhdimisht ka kërcënuar Finlandën, Poloninë si dhe Shtetet Baltike ku në mënyrë indirekte po thërret për luftë.
Pra, deklarata e mësipërme nuk qëndron asapak ngaqë NATO nuk ka kërcënuar në asnjë formë shtetin rus.
/The Geopost
Vuçiq dezinformoi para OKB-së: “Serbia i ka përmbushur të gjitha obligimet nga Marrëveshja e Brukselit” 
Zakharova shpërndan narrativën propagandistike për aktgjykimin ndaj ish-udhëheqësve të UÇK-së 
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero”