Ministri i Jashtëm i Rusisë, Sergej Lavrov dhe ish-ministri i Jashtëm i Iranit Javad Zarif kanë dezinformuar se sanksionet e SHBA-së ndaj Iranit kanë ndikuar në rrëzimin e helikopterit ku mbeti i vdekur vrau presidenti iranian Ebrahim Raisi.
Çka deklaruan ata?
“Një nga shkaqet e këtij incidenti zemërthyes janë Shtetet e Bashkuara, të cilat duke sanksionuar shitjen e industrisë së aviacionit në Iran shkaktoi martirizimin e presidentit dhe shokëve të tij. Krimi i SHBA-së do të regjistrohet në mendjet e popullit dhe historisë iraniane”, tha Zarif.
“Amerikanët e mohojnë këtë, por e vërteta është se vendet e tjera kundër të cilave Shtetet e Bashkuara shpallën sanksione nuk marrin pjesë rezervë për pajisjet amerikane, përfshirë aviacionin”, tha Lavrov.
Analiza:
Zyrtarët amerikanë i hodhën poshtë me shpejtësi akuzat si “të pabaza”. Në fakt, Irani kishte kërkuar ndihmë nga SHBA pas aksidentit.
Në një konferencë për shtyp të hënën, zëdhënësi i Departamentit të Shtetit, Matthew Miller tha se SHBA-së i është kërkuar ndihmë nga qeveria iraniane, por se nuk mund ta ofronin për arsye logjistike.
“Ne thamë se do të ishim të gatshëm të ndihmonim. Është diçka që do ta bënim në lidhje me çdo qeveri në këtë situatë. Në fund të fundit, kryesisht për arsye logjistike, ne nuk ishim në gjendje ta ofronim atë ndihmë”, tha ai.
Gjithashtu, ka shumë arsye që helikopteri Bell 212 i vjetër i prodhuar nga Amerika, i kohës së luftës në Vietnam, mund të jetë rrëzuar. Mirëmbajtja e dobët ose gabimi njerëzor në mjegullën e dendur janë mes tyre. Indikacionet fillestare sugjeruan se ishte një aksident për shkak të motit me mjegull. Përveç kësaj ka shumë arsye të neglizhencës dhe dobësisë së Iranit për të menaxhuar një situatë të tillë. Para se Raisi të nisej kishte shumë mjegull dhe shira. Pra, pyetja e parë, pse të fluturosh nëpër male kur një devijim rreth zonës ose në një destinacion tjetër mund të kishte qenë më i sigurt dhe po ashtu është e dyshimtë se pse edhe presidenti edhe ministri i jashtëm në të njëjtin helikopter.
SHBA dhe aleatët kanë sanksionuar Iranin për për të kufizuar programet ushtarake destabilizuese të Iranit./G. Venhari-The Geopost/
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe” 
Dezinformatë në TikTok: Video i manipuluar nga viti 2022 u përdor për pretendimin se “ushtarët izraelitë po vijnë në Kosovë” 
Si dezinformon Sputnik për praninë e NATO-s në Kosovë 
MPJ ruse dezinformon se Britania po e shtyn Evropën në luftë me Rusinë