Presidenti i Serbisë, Aleksandar Vuçiq ka folur për letrën që i ka dërguar KFOR-i, duke thënë se ua ka refuzuar kërkesën për kthimin e ushtrisë serbe në Kosovë.
Vuçiq për “TV Pink” ka thënë se KFOR-i në letrën e hartuar me kujdes drejtuar Qeverisë së Serbisë, të cilën e ka pranuar edhe ai, është përgjigjur se besojnë se nuk ka nevojë për kthimin e Forcave të Armatosura Serbe në territorin e Republikës së Kosovës.
“Në letrën e tyre të përpiluar me kujdes drejtuar Qeverisë së Serbisë, të cilën e kam marrë edhe unë, ata janë përgjigjur se besojnë se nuk ka nevojë për kthimin e ushtrisë serbe në territorin e Republikës së Kosovës, duke iu referuar Rezolutës 1244. Por ata nuk iu referuan një pjese të Rezolutës, pasi nuk kanë të drejtë ta refuzojnë atë kërkesë. Ata u thirrën në normën normative për të ruajtur rendin dhe ligjin”, tha Vuçiq.
Presidenti serb, u shpreh se letrën KFOR-i u ka dorëzuar në prag të Krishtlindjes.
Ndryshe një ditë më parë, KFOR në një deklaratë për Telegrafin ka konfirmuar se i kanë kthyer përgjigje Serbisë, por nuk kanë dhënë detaje tjera.
“Mund të konfirmojmë se përgjigja e KFOR-it ndaj kërkesës serbe është përcjellë, por nuk hyjmë në detajet e korrespondencës së NATO-s. KFOR-i mbetet vigjilent dhe plotësisht i aftë për të përmbushur mandatin e tij të OKB-së”, janë shprehur nga KFOR-i.
Ndryshe, më 16 dhjetor Serbia ia kishte dorëzuar një kërkesë KFOR-it për kthim të 1000 ushtarëve. /Telegrafi/
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja” 
RT Balkan dezinformon për KFOR-in dhe Rezolutën 1244 
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës