Patriarku serb Porfirije ka dezinformuar lidhur me gjendjen e popullit serb në Kosovë gjatë fjalimit kryesor të Krishtlindjeve ortodokse. Ai një pjesë të mesazhit të festës ua kushtoi serbëve në Kosovë, siç tha ai, popullit më të kërcënuar dhe të pambrojtur në kontinentin evropian.
Çka tha ai?
“Ndjejmë nevojën atërore që këtë Krishtlindje t’ua dërgojmë zërin tonë para së gjithash fëmijëve tanë shpirtërorë në Kosovë… Kombi serb, në atdheun e tij shekullor, ka qenë kombi më i kërcënuar dhe më i pambrojtur në kontinentin evropian për një çerek shekulli. I ekspozuar ndaj presioneve, arrestimeve, sekuestrimit të dhunshëm të vetëqeverisjes komunale, mbylljes së shërbimeve shëndetësore lokale, sekuestrimit të tokave dhe pronave të tjera private, rrënimit të varrezave dhe monumenteve të kulturës, ai vazhdimisht është i frikësuar dhe i persekutuar”.
Analiza:
Patriarku Porfirije ka shfrytëzuar hapësirën e fjalimit të tij të festës së Krishtlindjeve për të ndjekur fushatën dezinformuese që udhëheq Qeveria e Serbisë se kinse në Kosovë ka persekutim e kërcënim të serbëve.
Kancelarija za KiM: Nedopustivo da Srbi budu mete na Uskrs
Ai ka shfrytëzuar me qëllim masën e madhe të njerëzve që kanë ndjekur atë për të përhapur këtë narrativë të pabazë. Kleriku serb ka dezinformuar kur thotë se serbët janë populli më i kërcënuar në Evropë, por nuk ka asnjë provë që e dëshmon këtë. Në Kosovë Kushtetua dhe ligjet mbrojnë të drejtat e pakicave dhe institucionet e sigurisë, përfshirë edhe Policinë e Kosovës janë në shërbim të kësaj pa dalluar qytetarët në bazë të etnisë.
Porfirije dezinformon gjithashtu kur thotë se ka pasur sekuestrim të dhunshëm të pushtetit lokal. Ka qenë partia kryesore e serbëve, Lista Serbe ajo e cila ka refuzuar pjesëmarrjen në zgjedhje me direktiva të Beogradit. Zgjedhjet më pas ishin zhvilluar në mënyrë demokratike dhe kandidatët legjitimë që kishin marrë më shumë vota ishin vendosur në objektet komunale. Dezinformatë tjetër është ajo për objektet fetare kur Porfirije thotë se janë rrënuar. Asnjë objekt nuk është raportuar apo vërejtur se ka pësuar dëmtime dhe nuk ka asnjë raport që e mbështet atë që po deklaron ai./N.A./
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”