Rutte paralajmëron Rusinë: NATO-ja është gati t’iu përgjigjet sulmeve

Sekretari i Përgjithshëm i NATO-s, Mark Rutte, ka deklaruar se aktualisht nuk ka kërcënim të drejtpërdrejtë ushtarak ndaj territorit të Aleancës nga Rusia, por theksoi se NATO-ja është e gatshme të reagojë në rast se një kërcënim i tillë shfaqet.

Rutte i bëri këto deklarata të mërkurën në samitin e Euronews për mbrojtjen dhe hapësirën, që po mbahet në Bruksel, në një kohë kur tensionet në Evropë janë rritur për shkak të paralajmërimeve dhe deklaratave nga Moska lidhur me Kaliningradin.

Kaliningradi është një enklavë ruse e militarizuar në Detin Baltik, e vendosur mes Polonisë dhe Lituanisë.

“Ndërpritni kërcënimet bërthamore”, u shpreh Rutte, duke nënvizuar karakterin mbrojtës të NATO-s.

Ai përsëriti gjithashtu thirrjen ndaj Rusisë që t’i japë fund luftës në Ukrainë, ndërsa kërkoi që Aleanca dhe vendet anëtare të reagojnë me maturi ndaj veprimeve të Moskës.

Rutte foli edhe për aktivitetet hibride të Rusisë në vende të ndryshme të Evropës, duke theksuar nevojën për një qasje të koordinuar dhe të kujdesshme ndaj këtyre zhvillimeve.

Komentet e sekretarit të përgjithshëm të NATO-s vijnë në një periudhë kur vendet evropiane po rrisin vëmendjen ndaj sigurisë dhe kapaciteteve të mbrojtjes, në veçanti pas pushtimit rus të Ukrainës.

Samiti në Bruksel ka mbledhur zyrtarë të lartë politikë dhe ushtarakë nga Evropa dhe hapësira transatlantike, si dhe përfaqësues të industrisë së mbrojtjes.

The GeoPost

NATO’s Rutte:

Why are the Americans doing it, taking out Iranian nuclear capability? Because we can’t. But in the future, we have to make sure that, as Europeans, we can do this ourselves.

It is a bit strange that, to protect ourselves here in Europe from 140 million Russians,… pic.twitter.com/yIAcjMlhHz

— Clash Report (@clashreport) September 30, 2026