Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • Botë

Rusia planifikoi një sulm sabotues në Poloni që do të shkaktonte viktima të shumta – dhe faji do t’i vihej Ukrainës

The Geopost November 18, 2026 2 min read
Share the news

Shërbimet e inteligjencës ruse, sipas raportimeve, planifikuan një operacion sabotimi në territorin polak, pranë kufirit me rajonin rus të Kaliningradit, në fund të tetorit ose në fillim të nëntorit, me synimin për t’ia hedhur fajin Ukrainës.

Gazeta polake “Rzeczpospolita”, sipas mediave ukrainase, citon burime të nivelit të lartë, të lidhura me shërbimet ushtarake dhe të sigurisë të Polonisë, të cilat janë në dijeni për një operacion të zhvilluar gjatë dy javëve të fundit për të parandaluar komplotin rus, përcjell Telegrafi.

“Rzeczpospolita” raportoi se shërbime inteligjence partnere e kishin paralajmëruar Varshavën për operacionin e planifikuar, ndërsa analistët e inteligjencës polake kishin identifikuar gjithashtu shenja të këtij kërcënimi.

“Kishim informacione për vendet specifike që do të sulmoheshin. Plani rus parashikonte viktima të shumta”, ka thënë një nga burimet e gazetës.

Siç theksohet më tej, shërbimet polake të inteligjencës ndërmorën veprime pasi oficerë të inteligjencës ruse, përgjegjës për koordinimin e operacioneve të sabotimit, u shfaqën në anën ruse të kufirit.

Operacione të tilla planifikohen dhe koordinohen kryesisht nga agjencia ruse e inteligjencës ushtarake, GRU.

Në fund të tetorit, forcat policore në zonat kufitare me Rusinë u përforcuan me efektivë nga pjesë të tjera të Polonisë.

Gjithashtu, pikat e Rojës Kufitare morën përforcime, ndërsa në zonë u dislokuan oficerë shtesë të Agjencisë së Sigurisë së Brendshme.

“Qëllimi ishte parandalimi, por edhe sigurimi i kapacitetit për të ndërmarrë veprime paraprake”, ka theksuar një burim i njohur me detajet.

Gazeta e pyeti Tomasz Siemoniak, Ministrin-Koordinator të Shërbimeve Speciale të Polonisë, nëse rusët kishin planifikuar të kryenin një sulm terrorist në Poloni, në një vend ku mund të kishte pasur një numër të madh njerëzish.

“Nuk e di përgjigjen për atë pyetje, sepse duhet t’i pyesni rusët. Dhe ata zakonisht nuk e pranojnë se planifikojnë veprime të tilla. Edhe nëse kemi informacione të tilla, ne nuk i ndajmë ato”, u përgjigj ai.

Siemoniak shtoi: “Nëse kemi ndërmarrë masa të caktuara, kjo ndodhi sepse e konsideruam kërcënimin si real”.

“Sipas mendimit tim, të gjitha masat e marra në këtë rast ishin të përshtatshme. Provat në dispozicion tregonin se kërcënimi ishte vlerësuar si real”, ka thënë ministri.

Tags: Rusia Ukraina

Continue Reading

Previous: Trump, Xi dhe Putin në një tryezë: A po përgatitet një Jaltë e re?

Trump, Xi dhe Putin në një tryezë: A po përgatitet një Jaltë e re? 7 min read
  • Botë

Trump, Xi dhe Putin në një tryezë: A po përgatitet një Jaltë e re?

The Geopost November 18, 2026
Çfarë pritet nga samiti mes Trumpit, Xisë dhe Putinit? 6 min read
  • Botë
  • Siguri

Çfarë pritet nga samiti mes Trumpit, Xisë dhe Putinit?

The Geopost November 17, 2026
Ministrat e BE-së kërkojnë reagim të përbashkët ndaj sulmeve ruse që po shtrihen përtej Ukrainës 4 min read
  • Botë

Ministrat e BE-së kërkojnë reagim të përbashkët ndaj sulmeve ruse që po shtrihen përtej Ukrainës

The Geopost November 17, 2026
Rusia përdori dezinformimin për të ndikuar në negociatat e paqes me Ukrainën, synonte përjashtimin e Evropës nga bisedimet 6 min read
  • Botë

Rusia përdori dezinformimin për të ndikuar në negociatat e paqes me Ukrainën, synonte përjashtimin e Evropës nga bisedimet

The Geopost November 16, 2026
Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore 2 min read
  • Botë
  • News

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore

The Geopost November 16, 2026
BE zbarkoi në cisternën e “flotës në hije ruse”, ajo lundronte nën flamur të rremë 2 min read
  • Botë

BE zbarkoi në cisternën e “flotës në hije ruse”, ajo lundronte nën flamur të rremë

The Geopost November 16, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.