Një dallim i dukshëm në pritjen e liderëve në samitin e APEC-ut në Kinë ka nxitur interpretime për raportet mes Pekinit, Moskës dhe Washingtonit.
Presidenti amerikan, Donald Trump, u prit personalisht nga homologu i tij kinez, Xi Jinping, ndërsa presidenti rus, Vladimir Putin, u prit nga një zyrtar tjetër i lartë kinez.
Trumpi mbërriti në Shenzhen për të marrë pjesë në samitin e APEC-ut, ku u mirëprit nga vetë Xi Jinping. Ndërkaq, kur Putini mbërriti në Kinë, presidenti kinez nuk ishte i pranishëm për ta pritur.
Në vend të tij, presidentin rus e priti Cai Qi, shefi i Zyrës së Përgjithshme të Komitetit Qendror të Partisë Komuniste të Kinës.
Ky dallim në nivelin e pritjes është interpretuar si një sinjal diplomatik nga Pekini për pozitën e Rusisë në raport me Kinën. Sipas këtij interpretimi, fakti që Trumpi u prit personalisht nga Xi, ndërsa Putini jo, mund të tregojë se Moska nuk gëzon të njëjtin status në marrëdhëniet me udhëheqjen kineze.
Gjesti është parë edhe si një mënyrë e kujdesshme e Pekinit për t’i kujtuar Moskës se, pavarësisht partneritetit të ngushtë mes dy vendeve, raportet e tyre nuk janë domosdoshmërisht marrëdhënie mes të barabartësh.
Kjo situatë, sipas këtij vlerësimi, i ka dobësuar edhe përpjekjet e propagandës ruse për ta paraqitur vendin si një superfuqi me ndikim të barabartë me Shtetet e Bashkuara dhe Kinën.
Megjithatë, niveli i pritjes diplomatike nuk përbën në vetvete dëshmi për një ndryshim të politikës së Kinës ndaj Rusisë, por mund të lexohet si një gjest simbolik në marrëdhëniet mes tri fuqive botërore.
The GeoPost
Vladimir Putin saw Donald Trump and Xi Jinping, but he wanted to greet Xi first. Xi Jinping quickly signalled him to greet Donald Trump first.
Power is power, anywhere.🇺🇸
Europe, where are you? The Global Reset…. https://t.co/wvspQ3dhYk
— Wilberforce Theophilus (@Eze_Wilberforce) November 18, 2026

Rusia planifikoi një sulm sabotues në Poloni që do të shkaktonte viktima të shumta – dhe faji do t’i vihej Ukrainës
Trump, Xi dhe Putin në një tryezë: A po përgatitet një Jaltë e re?
Çfarë pritet nga samiti mes Trumpit, Xisë dhe Putinit?
Ministrat e BE-së kërkojnë reagim të përbashkët ndaj sulmeve ruse që po shtrihen përtej Ukrainës
Rusia përdori dezinformimin për të ndikuar në negociatat e paqes me Ukrainën, synonte përjashtimin e Evropës nga bisedimet
Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore