Platforma YouTube ka bllokuar kanalin “Jeta Ime” (Moj život), i cili drejtohej nga regjisori serb Emir Kusturica, ka raportuar shërbimi në gjuhën serbe i agjencisë shtetërore ruse të lajmeve, Sputnik.
Sipas raportimeve, kanali publikonte përmbajtje të prodhuar në bashkëpunim me shërbimin në gjuhën serbe të Sputnikut dhe përmbante gjithsej 243 video, përfshirë emisione, programe dhe materiale muzikore të Kusturicës.
Kanali numëronte rreth 30 mijë abonentë para se të bllokohej.
Emir Kusturica ka qenë një nga figurat publike që ka shprehur vazhdimisht mbështetje për presidentin rus, Vladimir Putin, dhe politikat e Kremlinit.
YouTube ka ndërmarrë masa kundër kanaleve që promovojnë propagandën ruse që nga viti 2020, ndërsa shumica e tyre u hoqën pas nisjes së pushtimit të plotë rus të Ukrainës në vitin 2022.
Platforma ka bllokuar gjithashtu edhe kanale të personazheve të njohur që janë përfshirë në listat e sanksioneve të vendeve perëndimore.
Ndërkohë, autoriteti rus për mbikëqyrjen e mediave dhe komunikimeve, Roskomnadzor, ka ngadalësuar funksionimin e YouTube në Rusi, një veprim që lidhet pjesërisht me bllokimin e mijëra kanaleve të konsideruara si pjesë e rrjetit të propagandës ruse.
The GeoPost
Eksperti gjerman: Serbia mbetet faktori kryesor destabilizues në Ballkan, Vuçiq përdor nacionalizmin për pushtet 
Spiunë kundër popullit: BIA në fushatën zgjedhore si instrument i Vuçiqit 
Gazeta gjermane FAZ: Durimit të BE-së me Serbinë i erdhi fundi – Vuçiqi nuk duhet të tolerohet më 
Togeri i Kosovës, Jevtiq, i përcolli BIA-s dokumente dhe plane operative të Policisë 
Ministri i Jashtëm i Bosnjës u shkruan shteteve të OKB-së të sanksionojnë Serbinë për nderimet shtetërore për Mlladiqin 
Zyrtari rus i futbollit dhe ish-oficeri i inteligjencës bëhet shtetas i ri serb