Eurodeputeti holandez Thijs Reuten ka komentuar zhvillimet e fundit politike në Serbi, duke i interpretuar lëvizjet e presidentit Aleksandar Vuçiq si pjesë të një strategjie për ruajtjen e kontrollit politik në një periudhë të rritjes së presionit publik dhe protestave të vazhdueshme në vend.
Reagimi i tij vjen pasi Vuçiq njoftoi se do të tërhiqet nga posti i presidentit brenda javëve të ardhshme dhe se Serbia do të shkojë drejt zgjedhjeve të parakohshme presidenciale dhe parlamentare.
Sipas disa zyrtarëve evropianë dhe analistëve, ky hap nuk përbën domosdoshmërisht një largim të vërtetë nga politika, por mund të jetë një rikonfigurim i pushtetit brenda të njëjtit kamp politik, përmes zgjedhjeve dhe ripozicionimit institucional.
Në këtë linjë është shprehur edhe eurodeputeti Reuten.
“Njoftimi për të hequr dorë nga posti i Presidentit është një manovër për të hartuar një strategji që të mbetet në pushtet për sa më gjatë të jetë e mundur, në një mënyrë apo tjetër. Kjo është një lëvizje klasike e manualit të autokratëve. Le të mos e humbasim fokusin”, ka shkruar Reuten në platformën “X”.
Ai theksoi gjithashtu se mbështet qytetarët serbë në kërkesat e tyre për zgjedhje të lira dhe të ndershme, zbatim të sundimit të ligjit dhe transparencë institucionale.
Announcing to give up the position of President, to plot a strategy to remain in power as long as possible. One way or the other. That is what this classic autocrats playbook move is about.
Let’s keep our eyes on the ball.
1/2 https://t.co/HBoPsA7OIz— Thijs Reuten 🇪🇺🌹 (@thijsreuten) June 28, 2026

SHBA-ja miraton shitjen e dy sistemeve HIMARS për Shqipërinë
Mujanoviq ngre shqetësime për ndeshjet e mundshme Bosnjë-Serbi: Fëmijët boshnjakë mund të vuajnë pasojat
Sasha Raduloviq: Ky është cirku i fundit i SNS-së së Vuçiqit në Kuvendin e Serbisë
Zahner paralajmëron për rrezikun e krizës në Bosnjë: Rusia shfrytëzon veprimet destabilizuese të Dodikut
Gjykata në Beograd lëshon fletarrestim për Milan Radoiçiqin
Lista Studentore, e re në emër por me qëndrime të vjetra ndaj Kosovës