Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • Ballkan

Aktakuzë për krime lufte në Gjakovë, tetë persona dyshohen për vrasje, dëbime dhe zhdukje të civilëve

The Geopost May 6, 2026 2 min read
Share the news

Prokuroria Speciale e Republikës së Kosovës ka ngritur aktakuzë ndaj tetë personave të dyshuar për krime lufte kundër popullsisë civile në Gjakovë, gjatë periudhës së luftës në Kosovë.

Sipas njoftimit zyrtar, bëhet fjalë për personat me inicialet M.K., V.M., D.R., Z.D., C.B., M.I., S.S. dhe S.K., të cilët akuzohen për veprën penale “Krime lufte kundër popullsisë civile”.

Në aktakuzë thuhet se të pandehurit, në periudhën nga 24 marsi deri më 31 mars 1999, në qytetin e Gjakovës, gjatë një operacioni të gjerë ushtarak dhe policor, kanë vepruar në bashkëkryerje dhe në koordinim me struktura policore, ushtarake dhe paramilitare serbe, duke kryer një sërë veprash të rënda penale ndaj civilëve shqiptarë.

Sipas Prokurorisë, ekziston dyshimi i bazuar mirë se gjatë këtij operacioni janë kryer vrasje të civilëve, dëbime të dhunshme të popullsisë, si dhe shkatërrim dhe plaçkitje e pronës së tyre. Në këtë kontekst, autoritetet bëjnë të ditur se si pasojë e veprimeve të këtyre forcave janë vrarë 65 civilë, ndërsa 12 të tjerë rezultojnë të zhdukur dhe ende nuk dihet fati i tyre.

Prokuroria Speciale e Republikës së Kosovës ka njoftuar gjithashtu se, në përputhje me nenet 234 dhe 303 të Kodit të Procedurës Penale, i ka propozuar Gjykata Themelore në Prishtinë që gjykimi të zhvillohet në mungesë, pasi të pandehurit janë të paarritshëm për organet e drejtësisë.

Sipas Prokurorisë, ky hap është ndërmarrë me qëllim që procesi gjyqësor të mos vonohet dhe që drejtësia të vihet në vend, pavarësisht mungesës së të akuzuarve.

Në përfundim, Prokuroria Speciale thekson se mbetet e përkushtuar në hetimin dhe ndjekjen e të gjitha rasteve të krimeve të luftës, duke vepruar në përputhje me standardet më të larta ndërkombëtare dhe me synimin për të siguruar drejtësi për viktimat, si dhe për të forcuar sundimin e ligjit në vend.

The Geopost

Tags: Gjykimi për krime lufte Kosova Serbia

Continue Reading

Previous: Me cilat shtete Serbia shkëmben të dhëna sekrete?
Next: Vuçiq mungon në samitin evropian, por thellon kontaktet me Moskën – fokus në energji dhe mesazh për Putinin

Policia serbe nuk sqaron nëse Radoiçiq ka kaluar kufirin 3 min read
  • Ballkan
  • News

Policia serbe nuk sqaron nëse Radoiçiq ka kaluar kufirin

The Geopost November 20, 2026
Regjimi i Vuçiqit nën akuza të reja: BIA përdorej për të ndjekur kundërshtarët politikë 7 min read
  • Ballkan

Regjimi i Vuçiqit nën akuza të reja: BIA përdorej për të ndjekur kundërshtarët politikë

The Geopost November 20, 2026
FSK-ja merr pjesë në ushtrimin “Golden Sabre” të organizuar nga KFOR-i 1 min read
  • Ballkan
  • News

FSK-ja merr pjesë në ushtrimin “Golden Sabre” të organizuar nga KFOR-i

The Geopost November 20, 2026
Shuarja e institucioneve paralele serbe në Kosovë shkakton përplasje të ashpra në Kuvendin e Serbisë 5 min read
  • Ballkan
  • News

Shuarja e institucioneve paralele serbe në Kosovë shkakton përplasje të ashpra në Kuvendin e Serbisë

The Geopost November 20, 2026
Raporti i Gallupit për 2025-ën: Kosova, ndër vendet më të sigurta në Evropë 1 min read
  • Ballkan

Raporti i Gallupit për 2025-ën: Kosova, ndër vendet më të sigurta në Evropë

The Geopost November 19, 2026
Stojkoviq reagon ndaj drejtësisë serbe për Radoiçiqin: E lanë të lirë terroristin, gjyqtarët dhe prokurorët shkelën ligjin për ta mbrojtur atë 3 min read
  • Ballkan

Stojkoviq reagon ndaj drejtësisë serbe për Radoiçiqin: E lanë të lirë terroristin, gjyqtarët dhe prokurorët shkelën ligjin për ta mbrojtur atë

The Geopost November 19, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.