Forca e Sigurisë së Kosovës (FSK) ka marrë pjesë në ushtrimin fushor “Golden Sabre”, të organizuar nga misioni i KFOR-it, ku janë angazhuar disa prej institucioneve kryesore të sigurisë në Kosovë.
Në këtë ushtrim, përveç KFOR-it dhe FSK-së, kanë marrë pjesë edhe Policia e Kosovës, Misioni i Bashkimit Evropian për Sundimin e Ligjit (EULEX) dhe Agjencia për Menaxhimin e Emergjencave (AME).
Sipas njoftimit të FSK-së, ushtrimi kishte për qëllim forcimin e bashkëpunimit dhe koordinimit ndërinstitucional, avancimin e ndërveprueshmërisë dhe rritjen e gatishmërisë për reagim të përbashkët në situata të ndryshme të sigurisë dhe emergjencave.
Ushtrimi është përmbyllur me demonstrime praktike në Kampin e Vrellës, ku institucionet pjesëmarrëse kanë prezantuar aftësitë e tyre operacionale, procedurat e reagimit dhe koordinimin në skenarë të ndryshëm emergjentë dhe të sigurisë.
FSK-ja ka vlerësuar se pjesëmarrja në këtë aktivitet dëshmon përkushtimin për bashkëpunim të vazhdueshëm me KFOR-in dhe institucionet e tjera të sigurisë në Kosovë, me synimin e forcimit të sigurisë dhe stabilitetit në vend.

Policia serbe nuk sqaron nëse Radoiçiq ka kaluar kufirin
Regjimi i Vuçiqit nën akuza të reja: BIA përdorej për të ndjekur kundërshtarët politikë
Hungaria pritet të heqë veton, Ukrainës i hapet rruga drejt BE-së
Shpërthimi në Poloni, NATO ngre në ajër aeroplanët luftarakë
Shpërthim në Poloni, dyshohet se vendi është goditur nga një raketë ose dron
Shefi i NATO-s minimizon frikën për një “Jaltë 2.0” pas samitit Trump-Putin-Xi