Deklaratat që arsyetojnë spastrimin etnik nuk janë thjesht qëndrime individuale, por pjesë e një diskursi politik që vazhdon të jetë i pranishëm në Serbi, e që synon ndikimin në rajon, vlerëson drejtori ekzekutiv i Qendrës Kosovare për Siguri, Mentor Vrajolli.
Narrativat nacionaliste, ndikimi rus në Ballkan, rreziqet hibride dhe sfidat që përballon Kosova në ruajtjen e sigurisë dhe integrimit të komuniteteve janë disa nga çështjet për të cilat Vrajolli flet në The Geotalks. Thotë se nevojitet strategji më e fuqishme përballë luftës hibride.
Ai vlerëson se propaganda dhe lufta hibride janë bërë mjete të rëndësishme të ndikimit, me synim dobësimin e pozitës së Kosovës dhe pengimin e avancimit të saj në arenën ndërkombëtare.
Në këtë episod, Vrajolli diskuton gjithashtu për situatën në veri të Kosovës, zhvillimet pas sulmit në Banjskë, rrezikun e incidenteve të reja, rolin e NATO-s në ruajtjen e paqes dhe sfidat politike që lidhen me integrimin euroatlantik të Kosovës.
/The Geopost/
NATO: KFOR ka nisur përshtatjen e pozicionimit dhe pranisë në terren pas përmirësimt të sigurisë në Kosovë 
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
A po i vjen fundi Vuçiqit? Nga Ibri te zgjedhjet, pse presidenti serb po e ashpërson retorikën 
Faqja “Stazama Kosmeta” dezinformon duke e devijuar deklaratën e ministrit Sveçla 
Vuçiq “i puth dorën” Zelenskyt, ndërsa i ruan shpinën Putinit