Një zyrtar policor i stacionit të Mitrovicës së Veriut, Mledan Adjançiq, është suspenduar për tre ditë nga detyra pasi në profilin e tij në Instagram ka shpërndarë përmbajtje me karakter nacionalist.
Bëhet fjalë për një postim të shpërndarë nga grupi i tifozëve “Grobarska snaga”, i lidhur me klubin serb të futbollit FK Partizan, ku shfaqej mbishkrimi “Kur ushtria të kthehet në Kosovë”, një mesazh që është konsideruar provokues dhe me ngarkesë politike.
Pas raportimeve mediatike dhe verifikimeve të brendshme, autoritetet policore kanë ndërmarrë masa disiplinore ndaj zyrtarit, duke e suspenduar përkohësisht si masë administrative, në pritje të hetimeve të mëtejshme.
Rrasti është trajtuar në përputhje me rregulloret e brendshme të Policisë së Kosovës, të cilat ndalojnë shprehjen publike të qëndrimeve që mund të cenojnë neutralitetin dhe standardet profesionale të shërbimit policor.
Adjançiq, i cili është pjesë e gjeneratës së 61-të të Policisë së Kosovës, ka shërbyer deri tani në njësinë patrulluese në terren në rajonin e Mitrovicës së Veriut.
The GeoPost
Pas skandalit në Mal të Zi, reagojnë Demokratët Evropianë: Vuçiq akuzohet për “teatër nacionalist” në rajon 
Vuçiq përpiqet të zbusë skandalin në Mal të Zi: Ishte gabim politik 
Shtetet e BE-së kërkojnë rregulla më të ashpra për refuzimin e vizave turistike për rusët 
Vuçiq vazhdon të ndërhyjë në zgjedhjet në Kosovë 
Der Spiegel rikthen online artikullin për Vuçiqin, pavarësisht urdhrit të mëparshëm të gjykatës gjermane 
SHBA i bën thirrje Kosovës t’i bashkohet projektit amerikan për gazin