“Kur (Milan) Radoiçiq vinte me njerëz të armatosur dhe bllokonte gjithë rrugën, asnjë (polic) nuk dilte, askund s’ishin për dhjetë ditë. Ej njerëz, çfarë është kjo? Çfarë mendojnë ata? Ku janë këta inspektorët tanë? Po maltretojnë fëmijët sonte,” u ankua një qytetar për veprimet e policisë që ndaloi kolonën e studentëve nga Novi Pazari jo larg Kosjeriqit.
Studentët që u nisën nga Novi Pazari u ndaluan tetë kilometra nga Kosjeriqi. Kolona ndaloi para një automjeti policie me drita sinjalizuese, me dy policë civilë, pas të cilëve mbërritën edhe dy furgona policie të njësisë së reagimit. Menjëherë u shfaqën edhe qytetarët e Kosjeriqit, dhe policët, pas kontrollit të automjeteve, u futën në furgona.
Një qytetare e Kosjeriqit theksoi se policëve nuk iu realizua çfarëdo që tentuan të bënin atë mbrëmje.
“Në Kosjeriq këta fëmijë po i presin prej ditësh,” tha ajo dhe shtoi se policia tentoi ta njolloste atë mbrëmje, por që nuk ia doli.
Studentët më pas vazhduan rrugën drejt Kosjeriqit.
Një nga studentët që po marshojnë drejt Novi Sadit tha për N1 se kjo që po ndodh është “një turp i madh”.
“Kemi marshuar me ditë pa përcjellje policore, dhe (ata na) ndalojnë në kthesë me policë civilë, turp,” tha ai.
Kujtojmë, Grupi i qytetarëve “Njerëz të pastër për një Kosjeriq të pastër” njoftoi më herët se më 22 shtator në Kosjeriq ishte paraqitur Milan Radoiçiq, ish-nënkryetar i partisë Lista Serbe, për të cilën Kosova ka lëshuar një urdhër arresti.
“Sipas dëshmitarëve, Radoiçiq në një lokal kërcënoi hapur qytetarët,” thuhej në njoftim.
Në njoftim shtohet se Radoiçiq lëvizte nën përcjelljen e sigurimit, si dhe të kryetarit të komunës së Kosjeriqit, Zharko Gjokiq.
“Kjo delegacion kaloi nëpër rrugën kryesore dhe vizitoi disa lokale. Sipas të pranishmëve, në ato lokale ka ndodhur ngacmimi i qytetarëve që më parë kishin marrë pjesë në protesta kundër pushtetit. “Dëshmitarët pohojnë se anëtarët e sigurimit fyenin dhe kërcënonin vazhdimisht qytetarët”, theksoi GG “Njerëz të pastër për një Kosjeriq të pastër”.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999