Foto: Anadolija
Presidenti i Serbisë, Aleksandar Vuçiq, ka shfrytëzuar tragjedinë në Novi Sad për të përcjellë një mesazh kërcënues ndaj kundërshtarëve politikë, duke lënë të kuptohet se pas hetimeve për rënien e tendës së stacionit hekurudhor ku humbën jetën 16 persona, do të vijë “koha e përgjegjësisë” për “ata që e shkatërruan Serbinë”.
Në vend që të fokusohej në shkaqet konkrete të tragjedisë dhe përgjegjësinë institucionale, Vuçiq zgjodhi ta përdorë ngjarjen për sulme propagandistike ndaj kritikëve të pushtetit. Ai akuzoi kundërshtarët politikë për rrënimin e sistemit arsimor dhe institucioneve, duke i cilësuar fakultetet si “stalla derrash”.
Siç raportuan mediat serbe, Vuçiq u shpreh se edhe brenda qeverisë do të ketë ndryshime dhe “ata që qeverisën keq duhet të largohen sa më parë”, duke mos dhënë emra, por duke mbajtur tonin e zakonshëm përçarës që e karakterizon diskursin e tij politik.
Kritikët e kanë cilësuar këtë paraqitje si një tentativë për të shmangur përgjegjësinë reale shtetërore për tragjedinë në Novi Sad dhe për ta zhvendosur vëmendjen drejt retorikës populiste dhe ndarëse./The Geopost/

Bosnja dhe Hercegovina i ndalon hyrjen Milan Radoiçiqit: Shpallet kërcënim për sigurinë kombëtare për shkak të sulmit terrorist në Banjskë
Gjykata në Beograd lëshon fletarrestim për Milan Radoiçiqin
Selimi: Ndikimi i mediave ruse në Ballkan, më i madh se kurrë
Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik
REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares
Avokati serb: Dosjet e BIA-s mund ta tronditin Serbinë, nga vrasja e Ivanoviqit te lidhjet e shërbimit me pushtetin