Sputnik Serbia dezinformon: Prishtina po përgatit një kurth për Listën Serbe

Në prag të zgjedhjeve parlamentare në Kosovë, të planifikuara për 9 shkurt 2025, mediumi rus Sputnik Serbia ka dezinformuar duke pretenduar “dëmtimin” e Listës Serbe, e cila gëzon mbështetjen e Beogradit dhe Rusisë.

Siç shkruan Sputnik Serbia:

“Lista Serbe shumë lehtë mund të dëmtohet në zgjedhjet parlamentare të shkurtit në Kosovë sepse nuk ka kontroll adekuat mbi procesin zgjedhor, gjë që lë mundësinë për futjen e ‘votuesve fantazmë’ nga Prishtina. Albin Kurti po bën gjithçka që Lista Serbe të mos hyjë sërish në parlamentin e Prishtinës.”

Analiza:

Me ftesë të Presidentes së Kosovës, Vjosa Osmani, Bashkimi Evropian dërgoi më shumë se 200 vëzhgues për të garantuar transparencën dhe rregullsinë e zgjedhjeve në Kosovë. Misioni do të drejtohet nga Natalie Loiseau, një anëtare e Parlamentit Evropian, e cila do të drejtojë një ekip ekspertësh të ngarkuar me monitorimin e çdo aspekti të procesit zgjedhor.

https://president-ksgov.net/presidentja-osmani-pranoi-raportin-e-misionit-vezhgues-te-be-se-per-zgjedhjet-parlamentare-te-vitit-2025/

Qendrat e votimit do të jenë nën vëzhgim me video, ndërsa të gjithë votuesit do të duhet të regjistrohen e të ndjelin procedurat e votimit për të parandaluar votime të mundshme të dyfishta apo manipulime.

Pavarësisht këtyre hapave, Lista Serbe vazhdon të përhapë dezinformata dhe “parregullsi” duke u përpjekur t’i paraqesë zgjedhjet si të padrejta. Megjithatë, të dhënat zyrtare nga Bashkimi Evropian dhe institucionet e Kosovës nuk tregojnë ndonjë parregullsi.

G. venhari