Serbia do ta rikthen shërbimin e detyrueshëm ushtarak

Presidenti serb Aleksandar Vuçiç njoftoi rikthimin e shërbimit të detyrueshëm ushtarak më 14 shtator. Ky vendim vjen në një kohë të tensioneve të rritura në Ballkan, veçanërisht me Kosovën fqinje.

Rivendosja e rekrutimit do të përfaqësonte një ndryshim të rëndësishëm për Serbinë, e cila është mbështetur në një ushtri profesionale për mbrojtje që nga heqja e rekrutimit 23 vjet më parë.

“Shpresoj se të gjithë e kuptoni se sa shumë kemi nevojë për një ushtri të fortë, sa shumë kemi nevojë për të blerë dhe prodhuar më shumë armë”, tha Vuçiq në një fjalim publik. “Ne nuk duam të sulmojmë askënd. As ne nuk do ta bëjmë. Por ne duam t’i frenojmë ata që na kërcënojnë çdo ditë me pamëshirshmëri mizore, megjithëse ai nuk elaboroi se cilët mund të jenë ato kërcënime.

Në janar, Vuçiç njoftoi se qeveria po konsideronte rikthimin e rekrutimit për shkak të shqetësimeve në rritje të sigurisë rajonale dhe evropiane. Gjatë vitit të kaluar, Serbia ka rritur gatishmërinë luftarake të forcave të saj pranë kufirit me Kosovën, duke nënvizuar marrëdhëniet e tensionuara mes Beogradit dhe Prishtinës. Megjithatë, Serbia vazhdon të mbajë marrëdhënie bashkëpunuese me NATO-n, paqeruajtësit e së cilës janë stacionuar në Kosovë që nga viti 1999.

Sipas Vuçiqit, shërbimi do të zgjasë 75 ditë dhe do të jetë i detyrueshëm për meshkujt, ndërsa femrat do të kenë ende mundësi të shërbejnë vullnetarisht. Propozimi pritet të miratohet nga qeveria dhe parlamenti, ku partia e Vuçiqit ka një shumicë të qartë.

Me rritjen e tensioneve ushtarake në mbarë botën, veçanërisht pas agresionit të Rusisë kundër Ukrainës, vendet e tjera në rajon po konsiderojnë gjithashtu një rikthim në shërbimin ushtarak.

Ministri i Mbrojtjes i Kroacisë, Ivan Anusic, njoftoi në fillim të këtij viti se shërbimi i detyrueshëm ushtarak do të futet nga viti 2025./Intellinews/