Javë e dezinformatave: Akuzat e pavërteta të Rusisë dhe Serbisë ndaj NATO-s dhe shqiptarëve

Java që lamë pas nisi me dezinformimin e diplomatit rus Alexander Gavrilov, i cili akuzoi NATO-n për përdorimin e Ukrainës si një “material harxhues kundër Rusisë”, dhe vazhdoi me dezinformatat e mediumeve serbe dhe ruse lidhur me helmimet e nxënësve shqiptarë gjatë të viteve 1989-1990.

Gavrilov deklaroi se gjoja NATO po e përdor Ukrainën në një lojë gjeopolitike kundër Rusisë, duke pretenduar se Aleanca synon të zgjasë konfliktin dhe të dobësojë Ukrainën. Megjithatë, analiza tregon se mbështetja e NATO-s për Ukrainën ka për qëllim mbrojtjen e sovranitetit dhe integritetit territorial të vendit, jo përdorimin e tij për qëllime gjeopolitike.

Në të njëjtën mënyrë, mediumi serb “Novosti” dhe mediumi rus “RT Balkan” kanë dezinformuar mbi helmimet e nxënësve shqiptarë në vitin 1989/90, duke pretenduar se kjo ishte një sajesë nga Qeveria e Kosovës. Megjithatë, ka shumë dëshmi që e kundërshtojnë këtë pretendim dhe e vërtetojnë ngjarjen tragjike të helmimit masiv.

Në fillim të gjysmëvjetorit të dytë të vitit shkollor 1989/1990 mijëra nxënës shqiptarë u helmuan gjatë datave 21- 23 mars 1990 nga Shërbimi Sekret Ushtarak i Armatës Jugosllave dhe Sigurimi Shtetëror i Serbisë nisën një fushatë helmuese ndaj nxënësve shqiptarë që në këtë kohë mësonin ndaras me nxënësit serbë në qytetet si Prishtinë, Ferizaj, Gjilan, Vushtrri, Podujevë, Mitrovicë, etj.

Dezinformata përhapi edhe analisti ushtarak rus, Igor Korotchenko. Ai dezinformoi se gjoja NATO po përgatitet për një sulm të madh kundër Rusisë, duke pretenduar se “Aleanca është duke përgatitur një konflikt serioz në shkallë të gjerë”. Në realitet, aktivitetet e NATO-s janë të drejtuara për të siguruar mbrojtjen kolektive të anëtarëve të saj.

Së fundmi, portali serb “Politika” ka dezinformuar për një komplot të supozuar të Kosovës dhe Bosnje e Hercegovinës për të sulmuar Serbinë, një pretendim që nuk ka asnjë bazë në realitet dhe nuk mbështetet nga prova konkrete.

/The Geopost/