Zgjedhja e kryeministres estoneze, Kaja Kallas si përfaqësuesja e re e Lartë e BE-së për Punët e Jashtme dhe Sigurinë, e njohur për dënimin e saj të qartë të pushtimit rus në Ukrainë dhe qëndrimin e saj karshi politikës së Kremlinit, pati shumë jehonë në mesin e zyrtarëve rusë dhe në mediat lokale në Rusi.
Portali Russia Today (një media që është e ndaluar në disa vende evropiane për shkak të përhapjes së informacionit të rremë), si dhe RT Balkan – në gjuhën serbe u përpoqën të dezinformojë publikun përmes një titulli dezinformues “Ajo ha rusët për mëngjes: Kush është Kaja Kalas, shefja e radhës e politikës së jashtme të BE-së?”, qëllimi i të cilit është rritja e numrit të lexuesve.
Analiza:
Në tekstin me titull “Ajo ha rusët për mëngjes: Kush është Kaja Kallas, shefja e radhës e politikës së jashtme të BE-së?” portali RT publikoi deklaratën e një zyrtari anonim, i cili i tha portalit të Brukselit Politico më 4 mars: “A duhet vërtet të emërojmë në këtë pozicion dikë që pëlqen të hajë rusë për mëngjes?”.
“Unë preferoj muesli, kos dhe boronica”, shkroi Kaya Kallas në Twitter. Portali Politico u etiketua dhe u shoqërua me një foto të përshtatshme.
Duke qenë se RT është një mjet i fuqishëm me të cilin Kremlini përhap narrativat e tij, ky titull mund të interpretohet edhe si përbuzje për Kalas, gjë që mund të konkludohet nga reagimet e zyrtarëve të lartë rusë për emërimin e saj.
“Kallas është e njohur për deklaratat e saj absolutisht të pakompromis dhe ndonjëherë edhe të zemëruara rusofobike,” tha Dmitry Peskov, sekretari i shtypit i Kremlinit, duke komentuar emërimin e saj.
“Kjo është ajo që ne e njohim dhe e kujtojmë atë. Në këtë kuptim, asgjë nuk ka ndryshuar”, tha Peskov.
Disa zyrtarë rusë kanë sugjeruar se politikat e mbrojtura nga Kallas do të çojnë vetëm në përshkallëzim të mëtejshëm. Zëdhënësja e Ministrisë së Punëve të Jashtme, Maria Zakharova, tha se emërimi i Kallas do të “rrisë nivelin e çmendurisë” në Bruksel.
/The Geopost/
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”