Peskov dezinformon: ShBA e Perëndimi  kanë hyrë në një raund të ri të përshkallëzimit të tensioneve

Zëdhënësi i Kremlinit, Dmitry Peskov po dezinformon për SHBA-në dhe vendet e NATO-s se gjoja ato synojnë të ndjekin një luftë kundër Rusisë dhe paralajmëron se veprime të tilla do të kenë pasoja të rënda. Këto pretendime janë pjesë e një fushate më të gjerë propagandistike ruse që synon të justifikojë agresionin rus në Ukrainë dhe të portretizojë Perëndimin si agresor.

Çfarë tha Peskov:

“Vendet e NATO-s, veçanërisht SHBA dhe kryeqytetet e tjera evropiane, kanë hyrë në një raund të ri të përshkallëzimit të tensioneve në ditët dhe javët e fundit. Ata po e bëjnë këtë me vetëdije dhe ne po dëgjojmë shumë deklarata luftarake. Kjo nuk është gjë tjetër veçse shkaktim një nivel i ri tensioni, ata e kuptojnë se kjo tendencë negative në qasjen e tyre, për fat të keq, ende po provokon Ukrainën për të vazhduar luftën e pakuptimtë kundër Rusisë.”

Analiza:

Mbështetja e NATO-s dhe Perëndimit për Ukrainën është në përputhje me ligjin ndërkombëtar dhe Kartën e OKB-së, e cila njeh të drejtën për vetëmbrojtje. Ofrimi i ndihmës ushtarake për Ukrainën është një përgjigje ndaj agresionit rus dhe një përpjekje për të ruajtur integritetin territorial dhe sovranitetin e Ukrainës.

Rusia po përdor taktikën e zhvendosjes së fajit, duke akuzuar Perëndimin për deklarata luftarake dhe për nxitje të tensionit, ndërkohë që ajo vetë po kryen një fushatë ushtarake agresive kundër një shteti sovran.

Qëllimi i kësaj lloj propagande është të largojë vëmendjen nga problemet e brendshme në Rusi.

Është Rusia ajo që po ndjek një politikë agresive ndaj Ukrainës dhe janë NATO dhe vendet perëndimore që po i japin mbështetje viktimës së agresionit në përputhje me të drejtën ndërkombëtare.

/The Geopost