Përfaqësuesi i përhershëm i Rusisë në Kombet e Bashkuara, Vasily Nebenzya, në mbledhjen e Këshillit të Sigurimit të OKB-së për Kosovën, dezinformoi duke akuzuar shqiptarët e Kosovës dhe aleatët e tyre perëndimorë për një përshkallëzim të mundshëm të konfliktit në Ballkan. Këto akuza të rreme u raportuan shpejt nga platformat mediatike antiperëndimore serbe dhe ruse si Sputnik, Kurir dhe Alo.
Çfarë tha Nebenzya:
“Nëse nuk ndalojmë veprimet e shqiptarëve të Kosovës dhe patronëve të tyre perëndimorë, nëse nuk i detyrojmë ata të respektojnë të drejtën ndërkombëtare dhe të kërkojnë kompromise me Beogradin, konfliktet në Ballkan, të cilat janë zier prej dekadash, mund të hyjnë në një fazë të nxehtë”, tha përfaqësuesi i Përhershëm i Rusisë në OKB, Vasily Nebenzya, në seancën e Këshillit të Sigurimit të OKB-së për Kosovën.
Analiza:
Deklaratat e Nebenzya janë vetëm një shembull tjetër i makinës ruse të dezinformimit, e cila është në ecje të plotë, duke u përpjekur të ndezë frikën dhe përçarjet. Pretendime të tilla i shërbejnë vetëm propagandës ruse që synon parandalimin e përparimit të Kosovës dhe minimin e mbështetjes perëndimore për pavarësinë e saj. Deklarata e tij është vetëm një përpjekje tjetër për të ruajtur status quo-n dhe për të larguar vëmendjen nga sfidat reale, të cilat nuk janë në favor të Rusisë./The Geopost/
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
Faqja “Stazama Kosmeta” dezinformon duke e devijuar deklaratën e ministrit Sveçla 
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe”