Zëvendëskryeministri serb Aleksandar Vulin është planifikuar të takohet me presidentin rus Vladimir Putin këtë javë, siç konfirmohet nga Yuri Ushakov, këshilltari i Putinit për politikën e jashtme. Takimi do të zhvillohet gjatë edicionit të nëntë të Forumit Ekonomik Lindor në Vladivostok.
Më 4 shtator, Putin do të takohet gjithashtu me Han Zheng, Zëvendës President i Republikës Popullore të Kinës, pasuar nga takimi i tij me Vulin, sipas një raporti nga TASS, duke cituar Ushakov.
Vulin, i cili më parë shërbeu si drejtor i agjencisë serbe të inteligjencës BIA, u sanksionua nga Shtetet e Bashkuara në korrik të vitit të kaluar. Sanksionet u vendosën për shkak të akuzave për përfshirje të tij në trafik të paligjshëm armësh, kontrabandë droge dhe shpërdorim detyre. Vulin njihet për qëndrimin e tij të fortë pro-rus dhe anti-evropian. Së fundmi ai vizitoi Moskën, ku u takua me ministrin e Jashtëm rus Sergej Lavrov.
Kjo vizitë e tij vjen pak ditë pasi Presidenti serb Aleksandar Vuçiç ka mohuar të ketë lidhje të ngushta me homologun e tij rus Vladimir Putin dhe ka hedhur poshtë sugjerimet se vendi i tij është një ‘kalë troje’ për Moskën.
Duke folur në konferencën e sigurisë GLOBESEC në Pragë, Vuçiç tha se nuk ishte takuar apo folur me Putinin në më shumë se dy vjet që kur Rusia pushtoi Ukrainën. Edhe kjo gjë doli të jetë e pavërtetë përderisa Vuçiq dhe Putin kishin zhvilluar një bisedë të shkurtër derisa ishin në Pekin për të marrë pjesë në forumin ndërkombëtar për nismën kineze “Belt and Road” në tetor të vitit 2023.
“Po, ne kemi tradicionalisht lidhje shumë të mira dhe nuk po e fshehim. Dhe nuk më vjen turp për këtë me Rusinë. Ka qenë gjithmonë rasti mes serbëve dhe rusëve dhe ne jemi i vetmi vend në Evropë që nuk kemi vendosur sanksione kundër Rusisë dhe siç mund ta shihni, nuk kam frikë ta them hapur”, tha ai.
Vizita e Vulinit në Vladivostok të Rusisë demanton këto deklarata të Vuçiqit përderisa Serbia dhe Rusia vazhdojnë të forcojnë lidhjet e tyre./TheGeopost/
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE 
Sikorsky: Pasuria e ngrirë ruse nuk do t’i kthehet Moskës 
Parti e re proruse në Serbi, kërkon braktisjen e BE-së dhe forcimin e ndikimit të Moskës 
Uashingtoni ashpërson mesazhet ndaj Serbisë, Kongresi e paralajmëron për Rusinë, Kinën dhe glorifikimin e Mlladiqit 
Brukseli ashpërson tonin ndaj Beogradit: Parlamenti Evropian kërkon ndryshim të qasjes ndaj Vuçiqit