Ushtarë të plagosur dhe fëmijë nga Ukraina do të rehabilitohen në Maqedoninë e Veriut

Presidenti i Maqedonisë së Veriut, Stevo Pendarovski, ka thënë se ideja e presidentit të Ukrainës, Volodimir Zelensky, për të sjellë ushtarë të plagosur ukrainas për rehabilitim në Shkup është e pranueshme.

Kjo është një iniciativë që presidenti ukrainas Zelenskiy, të cilën ai e diskutoi me homologët e tij nga Ballkani Perëndimor në samitin Ukrainë-Evropa Juglindore, të mbajtur në Tiranë më 28 shkurt.

Nga kabineti i Pendarovskit thanë për Radion Evropa e Lirë (RSE) se ky është propozim fillestar i kryeministrit të Kroacisë dhe presidentit të Malit të Zi, duke qenë se këto dy vende tashmë kanë përvojë dhe kapacitete për rehabilitim nga aksionet ushtarake në vitet e 90-ta, transmeton The Geopost.

“Ideja në parim është e pranueshme për ne, ndërsa kërkohet një elaborim specifik i detajeve që do të jetë përgjegjësi e qeverive të vendeve që do të shprehin pëlqimin e tyre për të marrë pjesë në këtë program”, thanë për Radion Evropa e Lirë nga Kabineti i Pendarovskit.

Sipas tij, autoritetet maqedonase po shqyrtojnë gjithashtu mundësinë e rehabilitimit të fëmijëve ukrainas nga zonat e luftës.

Propozimi i presidentit ukrainas pasoi pasi Kroacia në vitin 2023, me vendim të qeverisë, priti ukrainas të plagosur dhe u kujdes për ta në objektet shëndetësore.

Nga ana tjetër, Zelenskiy ka shpërndarë një video në platformën X nga takimi me Pendarovskin në margjinat e samitit në Tiranë. Në pjesë të shkurtra të bisedës së tyre, dy presidentët dëgjohen duke diskutuar mundësinë e krijimit të një qendre rehabilitimi për ushtarët e plagosur ukrainas dhe fëmijët ukrainas me ndihmën e shteteve të Ballkanit.

I met with North Macedonia's President @SPendarovski and expressed gratitude for all of the political support and clear stance on Ukraine's future in NATO.

I informed President Pendarovski of the current battlefield situation and Ukraine's defense needs.

I emphasized the… pic.twitter.com/Sc3R8Hp1Yu

— Volodymyr Zelenskyy / Володимир Зеленський (@ZelenskyyUa) February 28, 2024

“Liderët diskutuan gjithashtu krijimin e një qendre për rehabilitimin e ushtarëve të plagosur ukrainas dhe fëmijëve të mbrojtësve të rënë me pjesëmarrjen e vendeve të Ballkanit. Nëse miqtë tanë na ndihmojnë, mund të flasim për një koalicion rehabilitues. Do të jetë shumë e rëndësishme nëse miqtë tanë ballkanikë mund të ndihmojnë në organizimin e një platforme të tillë me pjesëmarrjen e vendeve të ndryshme”, tha Zelensky pas takimit.

twitter.com