Serbia do të marrë pjesë në samitin e BRICS – një organizatë e themeluar nga Rusia që synon të jetë rival i Bashkimit Evropian.
Në këtë samit Serbia do të dërgojë zëvendëskryeministrin Aleksandar Vulin, i cili mban lidhjet me Rusinë, do të arrijë në Kazan të Rusisë për të marrë pjesë në samitin e BRICS, tha ndihmësi i presidentit rus, Yuri Ushakov.
Gjithashtu në këtë samit do të marrin pjesë edhe ministrat serbë Bratislav Gasiq, Adrijana Mesaroviq dhe Nenad Popoviq.
Presidenti i Serbisë Aleksandar Vuçiq tha se konfirmimin për pjesëmarrje deshi t’ia bëjë vetë presidentit të Rusisë Vladimir Putin.
“Kam folur me Putinin dhe kjo është arsyeja e vetme pse nuk doja të bëja një njoftim derisa t’i tregoja personit nga i cili mora thirrjen – presidentin Putin. Është shprehje e përgjegjësisë. Ne patëm një bisedë kuptimplotë. Biseduam për festën e çlirimit të Beogradit, si dhe për marrëveshjen e gazit dhe pres që të fillojmë të flasim për një marrëveshje afatgjatë”, tha Vuçiq.
Vuçiq i ishte arsyetuar në telefon Putinit se ai vetë nuk mundi të shkonte për shkak të “planifikimeve të mëhershme”. Këtë e kishte bërë të ditur ndihmësi i Putinit.
“Dje dy presidentët kanë folur në telefon. U ra dakord që në emër të Serbisë të marrë pjesë zëvendëskryeministri i Serbisë, i cili merret drejtpërdrejt me marrëdhëniet dypalëshe ruso-serbe dhe çështjet e BRICS. Presidenti i Serbisë këto ditë paraprakisht ka planifikuar kontakte të tjera ndërkombëtare, të cilat vështirë se mund t’i shtyjë”, tha Ushakov në konferencë.
Vuçiq në Pragë duke tentuar të minimizojë komunikimet e tij me Putinin kishte thënë se nuk e kishte takuar dhe se nuk kishte folur me Putinin që kur Rusia nisi pushtimin e Ukrainës. Por këtë herë ai është mburrur se ai mund të flasë me Putinin.
“Unë jam një nga liderët e paktë në botë që më lejohet të flas me presidentin Putin”, tha Vuçiq pas bisedës me të.
Vulin kishte thënë se Serbia e sheh anëtarësimin në BRICS si një alternativë reale për anëtarësimin ndaj Bashkimit Evropian.
Rusia mori presidencën njëvjeçare të BRICS më 1 janar 2024. Presidenca e Rusisë kishte më shumë se 250 ngjarje të ndryshme, me një samit të BRICS në Kazan më 22-24 tetor 2024 që është ai qendror. /TheGeopost/
Nga Millosheviqi te Vuçiqi – Stradner: E njëjta strategji, propagandë për ta paraqitur veten si viktimë 
Partia e Vuçiqit, SNS, bashkohet me radikalët e Sheshelit – në listën zgjedhore edhe emra të kërkuar nga Haga 
“Kamionët e viktimizimit” në Nju Jork, Fetoshi: Strategji serbo-ruse për ta dëmtuar imazhin e Kosovës 
Pas deklaratës për “spastrimin etnik”, Paunoviq dhe Daçiq këndojnë së bashku këngë nacionaliste për Kosovën 
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE