Samiti ballkanik për dezinformimin, Sazanov: Rusia me traditë të hershme të propagandës, targeton Perëndimin

Ka nisur Samiti ballkanik për dezinformimin i organizuar nga the Geopost, e i cili ka mbledhur njohës të kësaj fushe nga vende të ndryshme të botës.

Studiuesi nga Estonia, Vladimir Sazonov, në kuadër të “Balkan Disinformation Summit” deklaroi se propaganda e Rusisë targeton politikat evropiane e ato perëndimore. Ai shton se Rusia ka traditë në propagandë qysh në periudha të hershme.

“Rusia ka traditë në propagandë, ndikim në identitet që nga periudha imperialiste dhe kjo nuk ndalon. Nuk do të ndalojë”, tha ai në panelin e parë ku u fol për dezinformimin në Evropë.

Sazanov tha se Rusia ka një agjendë imperialiste.

“Ka aktivitet propagandues, sidomos në Ukrainë, Gjeorgji dhe vendet e Ballkanit Perëndimor”, tha ai./The Geopost/