Presidenti rus Vladimir Putin nënshkroi një dekret për rekrutimin e qytetarëve rusë për shërbim ushtarak nga tetori deri në dhjetor 2025. Dokumenti u publikua në portalin zyrtar ku publikohen rregulloret dhe ligjet, shkruan index.hr.
Sipas këtij dokumenti, nga 1 tetori deri më 31 dhjetor 2025, parashihet të kryhet rekrutimi i 135,000 qytetarëve të Federatës Ruse të moshës 18 deri në 30 vjeç që nuk janë në rezervë dhe i nënshtrohen rekrutimit për shërbim ushtarak.
I njëjti dekret urdhëroi gjithashtu shkarkimin nga shërbimi ushtarak të ushtarëve, marinarëve, rreshterëve dhe nënoficerëve, të cilëve u kishte skaduar afati i shërbimit.
Qeveria ruse, autoritetet rajonale dhe komisionet e rekrutimit janë përgjegjëse për zbatimin e të gjitha masave të nevojshme të rekrutimit.
Ministrat federalë, krerët e shërbimeve federale dhe agjencitë federale janë urdhëruar gjithashtu të sigurojnë rekrutimin në shërbim ushtarak të qytetarëve rusë të punësuar në ministritë federale dhe organe të tjera ekzekutive federale, si dhe organizatat në varësi të këtyre institucioneve.
/The Geopost/
Hulumtimi i IRI: Serbët favorizojnë marrëdhënie më të ngushta me Rusinë, pasuar nga Kina 
Roboti për çaktivizimin e bombave u dërgua pas zbulimit të dronit me eksploziv në aeroportin gjerman 
Avionët polakë interceptojnë avionin rus të zbulimit mbi Baltik, Varshava: Rusia po teston gatishmërinë e NATO-s 
Pa koordinim me autoritet lokale, grup i armatosur nga Republika Srpska hyri në Federatën e Bosnje dhe Hercegovinës gjatë vizitës së Vuçiqit 
Vrajolli: Deklaratat nacionaliste serbe nuk janë rastësi, “bota serbe” synon ndikim në rajon – nevojitet strategji e fuqishme përballë luftës hibride 
Scott kërkon nga Kongresi ta mbajë përgjegjëse Rusinë: Putin është bandit, e neveritshme çka ka bërë në Ukrainë