Ndikimi i Rusisë në Ballkanin Perëndimor është evident dhe se Serbia duhet të trajtohet si shteti që nuk bazohet në vlerat evropiane, ka thënë shprehur presidentja Vjosa Osmani në Konferencën për Siguri të Mynihut.
Sipas njoftimit, Osmani ka folur për progresin thelbësor që po bën Kosova në fusha të ndryshme dhe njëkohësisht përmendi sfidat me të cilat përballet shteti ynë me një fqinj agresiv dhe destabilizues.
“Ndikimi i Rusisë përmes Serbisë është evident dhe se Serbia duhet të trajtohet si shteti që nuk bazohet në vlerat evropiane. Kosova e ka dëshmuar gjithnjë konstruktivitetin e saj në proces”, thuhet në njoftimin e Presidencës së Kosovës.
Ajo ka shtuar se procesi duhet të përqendrohet në njohjen reciproke si e vetmja zgjidhje që siguron paqen dhe stabilitetin afatgjatë në rajon.
Në këtë diskutim, përveç Osmanit, morri pjesë edhe presidenti slloven Borut Pahor, përfaqësuesi i BE-së për dialog Miroslav Lajçak, ministrat e Punëve të Jashtme nga rajoni, ambasadorja i SHBA-së në NATO, i dërguari i posaçëm i Britanisë Madhe për Ballkanin Perëndimor, Stuart Peach si dhe përfaqësues të shteteve, organizatave ndërkombëtare dhe shoqërisë civile. /The Geopost/
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999