Në një deklaratë të bërë para pak çastesh, presidenti i Ukrainës, Volodymyr Zelensky ka lavdëruar fuqinë e vendit të tij, në kohën kur tensionet vetëm sa po rriten dhe frika për një invazion nga ana e Rusisë është çdo herë e më e madhe.
Në anën tjetër lideri ukrainas tha se ka dëgjuar nga mediat amerikane se Rusia mund të fillojë pushtimin gjatë të mërkurës, duke këmbëngulur se “kjo ditë do të jetë dita e unitetit”, transmeton Telegrafi.
“Po kërcënohemi me luftë të madhe dhe data e pushtimit ushtarak është shfaqur. Kjo nuk është hera e parë. Shteti ynë është sot më i fuqishëm se kurrë më parë. Duam paqe dhe duam të zgjedhim të gjitha çështjet ekskluzivisht përmes negociatave”, tha ndër tjera Zelensky.
Madje ai bëri një parashikim – duke theksuar se rajoni i Donbassit dhe Krimea do të jenë sërish nën kontrollin e Ukrainës – duke iu referuar aspektit diplomatik, shkruan BBC.
Zelensky lavdëroi ushtrinë ukrainase duke thënë se “është shumë herë më e fuqishme sesa që ishte tetë vite më parë”.
“Do të ngritim flamurin kombëtar me 16 shkurt, duke vënë rripin me ngjyrë të kaltër dhe verdhë – duke i treguar botës unitetin tonë”, tha për fund Zelensky./Telegrafi/
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara