Igor Popoviq, ndihmësdrejtor i të ashtuquajturës “Zyrë për Kosovë” në Qeverinë e Serbisë, është ndaluar sot nga Policia e Kosovës në pikën kufitare të Bërnjakut dhe është shoqëruar për në stacion policor për procedura të mëtejshme.
Dukagjini nga burimet e veta e ka konfirmuar lajmin, duke theksuar se ndalimi lidhet me një deklaratë publike të dhënë nga Popoviq gjatë një vizite në Rahovec.
Sipas informatave të para, Popoviq ka përdorur gjuhë fyese dhe provokuese ndaj Ushtrisë Çlirimtare të Kosovës (UÇK), duke e cilësuar atë si “organizatë terroriste” dhe duke e krahasuar me ngjarje të rënda ndërkombëtare.
Ai po ashtu ka akuzuar institucionet ndërkombëtare për, siç ka thënë, “dështim në drejtësi”, duke pretenduar se “autorët e krimeve ndaj serbëve nuk janë ndëshkuar asnjëherë”.
Policia e Kosovës njofton se po vazhdon me procedurat për këtë rast, ndërkohë që autoritetet pritet të japin më shumë detaje lidhur me bazën ligjore të ndalimit të zyrtarit serb dhe hapat e mëtejshëm në kuadër të hetimeve.
Zyrtarë të Listës Serbe dyshohen për sulm ndaj rendit kushtetues të Kosovës dhe vepra të tjera penale 
Dodiku sërish në Moskë: vazhdon forcimi i lidhjeve të Banjallukës me Kremlinin 
Nga Millosheviqi te Vuçiqi – Stradner: E njëjta strategji, propagandë për ta paraqitur veten si viktimë 
Partia e Vuçiqit, SNS, bashkohet me radikalët e Sheshelit – në listën zgjedhore edhe emra të kërkuar nga Haga 
“Kamionët e viktimizimit” në Nju Jork, Fetoshi: Strategji serbo-ruse për ta dëmtuar imazhin e Kosovës 
Pas deklaratës për “spastrimin etnik”, Paunoviq dhe Daçiq këndojnë së bashku këngë nacionaliste për Kosovën