Pendarovski ekspozon në Davos atë që Putin po përpiqet të bëjë në Kosovë dhe Bosnjë

Presidenti i Maqedonisë së Veriut, Stevo Pendarovski gjatë fjalës së tij në një panel të Forumit Botëror Ekonomik në Davos ka folur për rrezikun që Ballkanit Perëndimor i kanoset nga ana e Rusisë.

Ai ka përmendur rastin e veriut të Kosovës dhe Republikës Srpska në Bosnjë e Hercegovinë.

“Një përshkrim i shkurtër. Kemi dy pika të nxehta ose të brishta kohë pas kohe në rajonin e Ballkanit Perëndimor. Është Republika Srpska brenda Bosnjë e Hercegovinës dhe Veriu i Republikës së Kosovës. Ajo që po bën regjimi i Putinit, shumë vite më përpara, jo vetëm që nga koha kur ka filluar lufta në Ukrainë, është tentimi për t’i provokuar njerëzit atje, në mënyrë që të cenojë integritetet e këtyre dy vendeve. Që të flasim realisht, gjatë vitit të fundit propaganda ruse, lajmet e rreme, propaganda politike, kërcënimet hibride dhe sulme të tilla nuk janë intensifikuar sepse regjimi i Putinit është krejtësisht i preokupuar për ta sulmuar Aleancën Perëndimore për shkak të luftës në Ukrainë”, ka thënë Pendarovski.

President of North #Macedonia 🇲🇰 @SPendarovski giving a state of play of Russian influence in the Western Balkans at @Davos:

– "The Western Balkans is more prone to Russian deflections from #Ukraine 🇺🇦 than the Baltics"
– "The U.S. is the key player here." pic.twitter.com/8yxupeSmZQ

— Rainier Jaarsma (@RJaarsma) January 17, 2023

“Akterët lokalë që nuk janë shumë të lumtur me marrëveshjet e ashtuquajtura të paqes që janë arritur vitet e ’90-ta janë duke e bërë këtë punë dhe kohë pas kohe provokojnë me retorikë nxitëse duke shkaktuar trazira në këto dy vende. Supozimi dhe gjykimi nim është që nëse Rusia do ta shpërqendrojë vëmendjen e Perëndimit nga Ukraina (që është teatri kryesor i luftës dhe propagandës), atëherë Ballkani Perëndimor është cak më shumë se vendet e Baltikut. Pra duhet të kemi kujdes për këtë si aleancë perëndimore si aleancë e NATO’s dhe si anëtarë të BE-së apo vende kandidate për anëtarësim, sepse më duket se në pikat e ashtuquajtura të buta të arkitekturës së sigurisë pan-evropiane tani, përveç Ukrainës natyrisht, Ballkani Perëndimor është më i rrezikuari nga Kremlini”, përfundon ai.

I pyetur se ku është lojtari kyç në këtë situatë BE NATO apo SHBA, Pendarovski ka thënë shkurt “Shtetet e Bashkuara”. /Gazeta Express/