Shtetet e Bashkuara të Amerikës e çuan Kosovën në liri, ka thënë të shtunën presidentja e vendit, Vjosa Osmani.
Në fjalimin e saj në Kolegjin e Luftës së Ushtrisë Amerikane, ku diskutoi historinë e Kosovës deri te lidhja historike me SHBA-në, Osmani kujtoi kohën kur Kosova përballej me luftën gjenocidale të Millosheviqit.
“Isha një vajzë e re kur Kosova po përballej me një luftë gjenocidale të Millosheviqit. Ishte një kohë kur ne po detyroheshim të largoheshim nga shtëpitë tona, kur më të dashurit tanë po vriteshin para syve tanë, dhe kur fëmijëria jonë ishte thjesht në luftë dhe konflikt. Në orët më të errëta, Amerika qëndroi me ne. Ishin ushtarët amerikanë bashkë me vendet aleate të NATO-s, që dëshpërimin në Kosovë e kthyen në shpresë, frikën në siguri dhe okupimin në liri”, ka thënë presidentja Osmani ndër të tjera.
Ajo shprehu mirënjohje të thellë për SHBA-në dhe forcat amerikane si partner kryesor i Kosovës.
Osmani gjatë qëndrimit në ShBA ka bërë një “selfie” me ushtarët amerikanë, “me ushtrinë më të fortë në botë.”
/The Geopost

Parullat shoviniste në Serbi: Shqiptarët fyhen njëlloj nga përkrahësit edhe kundërshtarët e pushtetit
Spastrimet ushtarake të Xi-së tregojnë pasiguri për forcat bërthamore të Kinës
Abuzimi me dhimbjen: Si mediat e regjimit përdorin serbët nga Kosova për qëllime politike
Anëtari i NATO-s, Rumania, gjen fragmente dronësh pas sulmeve ruse në portet ukrainase
Tajlanda pezullon marrëveshjen e paqes me Kamboxhian pas shpërthimit të një mine tokësore
Gjashtë të vdekur ndërsa Rusia godet objekte energjetike dhe banesore në Ukrainë