Zëdhënësja e Ministrisë së Jashtme të Rusisë, Maria Zakharova, ka vënë në pah shqetësimet e Moskës lidhur me raportimet për furnizimin e Ukrainës me municione nga kompani serbe të industrisë ushtarake. Ajo theksoi se Rusia ka besim që Serbia është plotësisht e vetëdijshme për rreziqet që paraqet rënia e produkteve të saj ushtarake në duart e regjimit të Kievit, çka bie ndesh me pozicionin zyrtar të neutralitetit që ka shpallur Beogradi.
Deklaratat e saj pasuan komentet e fundit të presidentit serb Aleksandar Vuçiq, i cili iu referua një paralajmërimi nga Shërbimi i Inteligjencës së Jashtme Ruse, që pretendonte se kompani serbe po furnizonin Ukrainën me municione. Zakharova theksoi se Moska pret që autoritetet serbe të marrin masa efektive për të identifikuar dhe ndalur çdo eksport të dyshimtë të produkteve ushtarake që mund të përfundojnë në Ukrainë.
Ajo gjithashtu u shpreh se mbetet me shpresë që çështja të mos dëmtojë marrëdhëniet e afërta mes Moskës dhe Beogradit, të cilat historikisht kanë qenë të ngushta dhe të qëndrueshme, shkruan n1, transmeton The Geopost.
NATO: KFOR ka nisur përshtatjen e pozicionimit dhe pranisë në terren pas përmirësimt të sigurisë në Kosovë 
Vuçiq “i puth dorën” Zelenskyt, ndërsa i ruan shpinën Putinit 
Senatori amerikan thekson përparimin në Senat ndërsa projektligji për sanksione ndaj Rusisë dhe Iranit i afrohet votimit 
SHBA kërkon ekstradimin e hakerit iranian të arrestuar në Mal të Zi 
Hulumtimi i IRI: Serbët favorizojnë marrëdhënie më të ngushta me Rusinë, pasuar nga Kina 
Raporti britanik: AI tentoi të mashtronte njerëz dhe të fshihte gjurmët e saj