Ministria e Punëve të Jashtme e Ukraninës falendëron Cetinjen për mbështetjen

Ministria e Punëve të Jashtme të Ukrainës ka falënderuar qytetarët e Cetinjes të cilët organizojnë ecje të përditshme në mbështetje të atij shteti.

“Çdo ditë që nga fillimi i pushtimit rus, qytetarët e Cetinjës kanë organizuar shëtitje në mbështetje të popullit dhe ushtrisë ukrainase”, njoftoi Ministria e Punëve të Jashtme të Ukrainës në faqen e saj në Facebook.

Ata thonë se “miqtë tanë malazezë mblidhen çdo ditë nga ora 17:30 në Cetinje dhe ecin rrugëve duke kënduar këngë ukrainase”.

“Për çdo ditë, pavarësisht motit dhe kushteve të tjera, organizojnë mbështetje masive për vendin tonë, i cili me guxim po lufton për lirinë e gjithë Evropës, tubimet në Cetinje nuk kanë organizator formal, por Cetinjakët e thonë se është detyra e tyre. Faleminderit për mbështetjen tuaj”, thuhet në një deklaratë të Ministrisë së Ukrainës.

Kujtojmë se qytetarët e Cetinjës për më shumë se 50 ditë po mblidhen çdo ditë në sheshin Mbreti Nikolla, në shenjë mbështetjeje për popullin ukrainas në luftën për liri. Çdo ditë, ata rilyejnë një pllakë në Shesh me ngjyrat e flamurit të Ukrainës.

Ata njoftuan se mitingjet në mbështetje të Ukrainës do të organizohen çdo ditë, deri në fund të luftës.

Falsifikimet serbomëdha dhe propaganda proruse

Vëmë re se mbështetja e banorëve të Cetinjës për Ukrainën është kritikuar nga publiku dhe mediat pro-ruse dhe pro-serbe, dhe se në disa media dhe në rrjetet sociale janë shfaqur fotomontazhe dhe simbole naziste në flamujt ukrainas, të cilët nga fillimi i luftës në Ukrainë qëndrojnë në qendrën malazeze me krenari.

Me atë rast reaguan një grup qytetarësh, të cilët theksuan se “Serbia e Madhe dhe propaganda proruse nuk i shmanget nënshtrimeve dhe falsifikimeve më vulgare dhe se ka nisur një ortek i ri dezinformatash”.

Simbolet naziste të montuara në një foto nga një tubim në Cetinje në mbështetje të Ukrainës, i komentoi Aleksandar Radoman, asistent profesor dhe zv.dekan për mësimdhënien në Fakultetin e Gjuhës dhe Letërsisë malazeze, duke theksuar se “Mali i Zi ka qenë skena e një lufte hibride në qendrat e pushtetit në Moskë dhe Beograd”.

Radoman theksoi se është “sekret publik” që në Mal të Zi ka disa pika të inteligjencës dhe propagandës që përhapin “fuqinë e butë” ruse, dy prej të cilave janë veçanërisht me ndikim.

Njëra është e lidhur me portalin nazifashist In4s dhe pas tij qëndron rektori aktual i Universitetit të Malit të Zi, Vladimir Božović dhe tjetri është ai në selinë e Kishës së Serbisë në Mal të Zi”, tha Radoman.