Rusia po përdor aktivisht Kishën Ortodokse Ruse (KOR) për të ushtruar ndikim në Shtetet e Bashkuara, shkruan lansinginstitute.org, transmeton The Geopost.
Apeli i kongresistëve
Një grup kongresistësh të Partisë Republikane në Dhomën e Përfaqësuesve të SHBA-së ka apeluar te Prokurori i Përgjithshëm, Pam Bondi, duke kërkuar një hetim mbi përdorimin e kishave ortodokse në Shtetet e Bashkuara nga shërbimet inteligjente ruse. Iniciativa ka ardhur nga kongresmeni Joe Wilson. Ligjvënësit besojnë se Kisha Ortodokse Ruse Jashtë Rusisë (KORR) po përpiqet “aktivisht të zgjerojë ndikimin e saj politik” në Shtetet e Bashkuara. Po ashtu, po ngrihen shqetësime të ngjashme për përdorimin nga Moska të juridiksioneve të tjera ortodokse që operojnë në SHBA.
Shqetësimi kryesor lidhet me një ngjarje ku priftërinjtë nga Kisha Ortodokse Ruse mbërritën në Uashington për takime me përfaqësues të Zyrës së Shtëpisë së Bardhë për Besimin dhe Partneritetet e Komunitetit, zyrtarë të Departamentit të Shtetit dhe lobistë të kongresit.
Se Kisha Ortodokse Ruse nuk është thjesht një institucion fetar, por një mjet i politikës së jashtme të Kremlinit, që përdoret për të avancuar ideologjinë e “Botës Ruse” dhe për të destabilizuar ambientin shpirtëror në vendet ku janë aktive strukturat e saj ka shkruar disa herë The Geopost.
Nacionalizmi serb dhe rus në Ballkanin Perëndimor dhe ndikimi i korrik
Kisha Ortodokse Ruse dhe ajo Ortodokse Serbe, në qendër të synimeve të tyre kanë edhe shtrirjen e ndikimit në vendet e tjera, veçanërisht në Ballkanin Perëndimor.
Një nga mjetet kryesore të strategjisë së Moskës për ndikim në Ballkanin Perëndimor është Kisha Ortodokse Ruse (KOR) dhe rrjetet e saj kishtare dhe ideologjike në rajon.
Në vazhdën e zhvillimeve të fundit, përfshirë vizitën e patriarkut serb Porfirije tek Vladimir Putin, bëhet e qartë se religjioni po instrumentalizohet si një armë e butë, për të mbështetur interesat strategjike të Kremlinit.
Nacionalizmi rus dhe serb në Ballkanin Perëndimor gjejnë gjithmonë gjuhë të përbashkët sa herë krijohen rrethana të favorshme ndërkombëtare për këtë: kur Perëndimi e neglizhon potencialin historikisht të vërtetuar të aktorëve në rajon për gjenerimin e ndarjeve të reja dhe konflikteve, dhe kur Rusia e kupton se pozita gjeopolitike e Ballkanit Perëndimor paraqet terren të përshtatshëm për përplasjet e saj globale me fuqitë perëndimore. Kështu thuhet në publikimin “Fjala si armë: Gjurmët digjitale ruse në Ballkanin Perëndimor”, autorë të së cilës janë Anđelka Rogač dhe prof. dr. Srđan Darmanović, shkruan cdm.me.
Ndërkaq Serbia paraqet qendrën kryesore të përhapjes së propagandës ruse në Ballkanin Perëndimor, dhe fakti që gjuha serbe kuptohet ose flitet në Bosnje dhe Hercegovinë, pjesë të Kosovës, Mal të Zi dhe Maqedoninë e Veriut, bën që propaganda ruse të depërtojë lehtë përmes rrjeteve sociale dhe mediave vendase që përcjellin përmbajtje nga media ruse dhe serbe në të gjashtë shtetet e Ballkanit Perëndimor.
Kisha është një nga kanalet përmes të cilave ideologjitë rus-serbe përhapen.
Vetë vizita e patriarkut Porfirije në Moskë, pavarësisht luftës në Ukrainë dhe krimeve të dokumentuara të Rusisë, është dëshmi e kësaj: KOS vepron si një urë lidhëse diplomatike midis Beogradit dhe Moskës
Kleri serb shpesh përsërit narrativat ruse kundër Perëndimit, NATO-s dhe Ukrainës.
Putini përdor Kishën për të ruajtur ndikimin rus në Serbi dhe Mal të Zi, ku opinioni publik është më i prirur ndaj simpatisë për Rusinë.
Se ndikimi i Kishës Ortodokse Serbe në Mal të Zi është i dyfishtë, pati thënë në një intervistë për The Geopost, drejtori dhe kryeredaktori i Pobjeda-s, Drashko Gjuranoviq.
Ai pati deklaruar se Kisha Ortodokse Serbe, pra Kisha e Serbisë, angazhohet për vendosjen e një shteti të vetëm kombëtar.
Sipas tij, pas pavarësisë së Malit të Zi, Kisha Ortodokse Serbe ka pasur një bashkëpunim jashtëzakonisht të fuqishëm me Beogradin zyrtar, dhe në mënyrë të tërthortë edhe me Kishën Ortodokse Ruse.
Këtu ju sjellim intervistën e plotë të tij për The Geopost.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999