Italia nis hetimet për dezinformimin e Kremlinit

Një komision parlamentar italian ka filluar një hetim për përhapjen e dezinformatave, mes dyshimeve se disa analistë rusë të thirrur në rrjetet televizive private italiane, mund të jenë në listën e pagave të Vladimir Putin.

Hetimi nga Copasir, një komitet parlamentar për sigurinë e Italisë, nisi pas një reagimi ndaj një interviste të fundit me ministrin e jashtëm rus Sergei Lavrov në Rete 4, një kanal i operuar nga Mediaset në pronësi private. Nisja e hetimeve u konfirmua nga Enrico Borghi, një anëtar i Copasir dhe politikan me Partinë Demokratike të qendrës së majtë. Megjithatë, ky i fundit zgjodhi të mos komentonte më tepër raportin nëse ishte e vërtetë që të paktën tre të ftuar rusë në TV italian ishin në listën e pagave të Kremlinit.

Intervista e Lavrov më 1 maj, shkaktoi një grindje diplomatike me Izraelin pasi ministri pretendoi se Adolf Hitleri “kishte gjak hebre”. Shfaqja përkoi me paraqitjen e gazetarit të shquar pro-Kremlinit, Vladimir Solovyev.

“Fakti që ata të dy u intervistuan në të njëjtën natë, nga rrjetet private, ishte me të vërtetë mjaft i habitshëm. Por ky hetim nuk ka të bëjë me censurën apo kufizimin e lirisë së shtypit, por këtë të ashtuquajtur luftë hibride të dezinformimit, ndërhyrjeve, prodhimit të lajmeve të rreme dhe ndikimit, të cilat janë tema objektive të aktiviteteve ruse kundër NATO-s dhe, në veçanti, kundër Italisë. . Këto elemente janë shtuar, për fat të keq, në lidhje me luftën e vërtetë”, tha Borghi.

Komiteti do të dëgjojë fillimisht shpjegimet e Carlo Fuortes, CEO i transmetuesit shtetëror, Rai, më 12 maj rreth kësaj çështje, i ndjekur nga Giacomo Lasorella, president i mbikëqyrësit të medias, Agcom, më 17 maj.

“Detyra jonë është të mbikëqyrim shërbimin informativ dhe sigurinë e vendit. Është në kuadër të këtij aktiviteti që ne kryejmë punën tonë”, shtoi Borghi.

Që nga fillimi i pushtimit rus të Ukrainës, Rai dhe kanale të tjera televizive kanë pritur rregullisht gazetarë rusë për të debatuar luftën, duke shkaktuar ndarje midis atyre që dënojnë rrjetet për t’u dhënë hapësirë propagandistëve dhe atyre që argumentojnë se është e drejtë të transmetohet opinionet e atyre në të dyja anët e konfliktit.

Çështja doli në sipërfaqe kur Lavrov u intervistua në programin e çështjeve aktuale të Rete 4, “Zona Bianca”, gjatë së cilës ai hodhi poshtë masakrën në Bucha, duke e konsideruar lajm të rremë, si dhe akuzoi presidentin ukrainas, Volodymyr Zelenskiy, i cili është hebre, si nazist.

Kjo ishte intervista e parë që Lavrov i kishte dhënë një rrjeti televiziv evropian që nga fillimi i luftës.

“Duket se ne jemi i vetmi vend, emisionet e të cilit presin figura ruse çdo ditë. Ndoshta, në vlerësimin e tyre Italia ka një dobësi të madhe, si nga pikëpamja e autoritetit të informacionit të pavarur dhe opinionit publik; tashmë kjo lloj propagande ishte infiltruar mirë”, tha Riçardo Magi, një politikan me partinë e vogël të majtë, Più Europa./The Guardian