Gazeta luksemburgase shkruan për serbë nga Kosova që u paguan nga Beogradi për të mbështetur Vuçiqin

Presidenti i Serbisë, Aleksandar Vuçiq, është gjithnjë e më shumë nën presion, është mbledhur si iriq në një top dhe prej muajsh përpiqet të mbrohet nga protestat masive me ndihmën e policisë dhe simpatizantëve të paguar të kampimit në qendër të qytetit, shkruan sot gazeta luksemburgase Tageblatt.

„Që nga fillimi i marsit, Parku i Pionirëve, mes ndërtesës së Presidencës dhe Parlamentit, është shndërruar në një habitat të çuditshëm të dashamirësve të kampimit besnikë ndaj regjimit. Midis pengesave të ndryshkura prej hekuri dhe parkut rritet bari i keq dhe mbeturinat e kalbura“, shkruan Tageblatt.

Gazeta përshkruan këtë „kordon mbrojtës“ të çadrave, të quajtur Cacilend, si një vendbanim të mbushur me „kundërshtarë të porositur“ të lëvizjes studentore „me supe të gjera“, që është bërë „pengesa më e madhe e trafikut në Beograd dhe një bezdi e vazhdueshme për banorët e zonës“. Gazeta kujton se një javë para demonstratave të mëdha të marsit në Beograd, disa dhjetëra të rinj ngritën kampin në atë vendbanim me çadra që u ngrit „si të ishte ndërtuar nga duar fantazmash“, kinse për të shprehur dëshirën për të studiuar dhe për të kundërshtuar protestat studentore. Kjo grupë „pionierësh kampues“, sipas Tageblatt, nuk qëndroi gjatë e vetme, pasi më pas me autobusë, në mes të ditës, madje edhe nga Kosova, u dërguan kampues të paguar për të qëndruar në protesta pro regjimit – legjionarë.

Tageblatt gjithashtu transmeton deklaratën e politikaneve opozitare nga Kosova, Rada Trajkoviq, e cila thotë se ende vazhdon sjellja me autobusë e serbëve nga Kosova për të banuar në atë vendbanim si shprehje mbështetjeje për Vuçiqin – qoftë për kundër-mitingjet e organizuara nga regjimi apo për „tubime popullore“.

Ndërkohë që presidenti serb paraqitet rregullisht para kamerave me tre studentë përfaqësues, kampin, sipas gazetës, e banojnë edhe aktivistë të moshuar të partisë së tij SNS, policë civilë dhe agjentë të sigurisë. Në kulmin e vapës së verës, protestat vazhdojnë të ziejë në të gjithë Serbinë, por mësimi në fakultete ka rifilluar.

„Duket se kryengritja në kryeqytet, e cila vazhdon pa ndërprerje që nga nëntori kundër sundimtarit gjithnjë e më jopopullor Vuçiq, është shtyrë për në vjeshtë. Por në Beograd, për shkak të fortesës presidenciale prej çadrash dhe automjetesh, vazhdojnë të devijohen linjat e autobusëve dhe trafiku, ndërsa jeta e përditshme në qendër të qytetit ende ngjan me gjendje të jashtëzakonshme“, vlerëson gazeta.

Tageblatt gjithashtu citon titullin e gazetës beogradase Danas: „Cacilendi – pa protesta, pa qëllim, pa shpjegim“, por se „Parku i Pionirëve mbetet nën rrethim“./Gazeta Express/