Policia e Kosovës në bashkëpunim të ngushtë me AKI-në dhe prokurorinë ka arrestuar të enjten Fatmir Shehollin, me dyshimet e bazuara për përfshirje në spiunazh.
Lajmin për arrestimin e tij e dha ministri në detyrë i Punëve të Brendshme, Xhelal Sveçla.
Ai tha se kushdo që punon për Serbinë e kundër Kosovës do të ndiqet pa kompromis.
Policia e Kosovës bastisi për disa orë banesën e Shehollit. Hetuesit e njësive relevante morën me vete materiale të konfiskuara, të cilat dyshohet se lidhen me hetimin për veprën penale “Spiunazh”.
Prokuroria Speciale ka bërë të ditur se Fatmir Sheholli është arrestuar në regjionin e Prishtinës, pas një hetimi disa mujor. Ai dyshohet për kryerjen e veprës penale “Spiunazh”, nga neni 124 paragrafi 3 i Kodit Penal të Republikës së Kosovës.
Në Kosovë kohën e fundit ka pasur edhe arrestime të tjera nën dyshimin për spiunazh. Në periudhën prej pak më shumë se një viti, janë arrestuar gjashtë persona të dyshuar për spiunazh. Agjencia e Kosovës për Inteligjencë në gjithë këto arrestime kishte rolin kryesor.
/The Geopost
Lidhjet mes policisë, politikës dhe krimit në Serbi: Kush janë kumbarët e mafias serbe? 
Çfarë thonë për rezolutën e KE-së ata që vuajtën dhunën e regjimit të Vuçiqit? 
Rubio: Irani nuk do të lejohet të vendosë tarifa për anijet që kalojnë në Ngushticën e Hormuzit 
Rikthimi i Janshas në pushtet ngjall shqetësime në BE dhe Ballkanin Perëndimor 
Letonia nënshkruan marrëveshjen e BE-së për kredi mbrojtëse prej 3.5 miliardë eurosh në kuadër të programit SAFE 
Si po shembet strategjia e Putinit për të formësuar politikën jashtë Rusisë?