Dua Lipa në Këshillin Atlantik kërkon liberalizim të vizave për Kosovën

Lipa çmimin ia dedikoi Kosovës. Ajo tregoi se si Kosova ka një popullatë të re. “Kosovarët pëlqejnë të bëjnë festa, nuk është befasi, pasi jemi nën 25 vjet me moshë mestare ndoshta. Në Kosovë unë mund të jem e vjetër”, tha Lipa.

Ajo tregoi për sukseset e Kosovës, duke përmendur filmin “Zgjoi”. Ndërsa ka thënë se Kosova është shumë vend evropian. Ajo nuk ngurroi t’i kërkoi Bashkimit Evropian të kryej detyrimin ndaj Kosovës për sa i përket lëvizjes së lirë.

“Të rinjtë e Kosovës përballen me sfida të shumta, përfshirë edhe kufizime për punë apo argëtim. Pasi u plotësuan të gjitha kriteret Komisioni Evropian rekomandoi liberalizimin e vizave për Kosovën më tepër se tri vjet më parë. A mund ta bëjmë këtë tash? Kosova është shteti më i ri në Evropë dhe jemi në vitin e 13-të të pavarësisë. Do të thoja se qëllimi i parë i BE-së është të sigurojë paqen nëpërmjet unitetit. A nuk do të ishte e përshtatshme që Kosova të zë vendin në atë union të paqes? Të lulëzojë ekonomikisht përkrah fqinjëve e të shërohen plagët e konfliktit”, përfundio Lipa.